Iarraidh ar réamhrialú ó Curtea de Apel Iaşi (an Rómáin) an 14 Samhain 2023 – JU v Spitalul Clinic de Pneumoftiziologie Iaşi

(Cás C-678/23, Spitalul Clinic de Pneumoftiziologie Iaşi)

Teanga an cháis: an Rómáinis

An chúirt a rinne an tarchur

Curtea de Apel Iaşi

Páirtithe sna príomhimeachtaí

Achomharcóir - Iarratasóir: JU

Freagróir - Cosantóir: Spitalul Clinic de Pneumoftiziologie Iaşi

Na ceisteanna a tharchuirtear

1)    An gcuirtear cosc le hAirteagail 9 agus 11(6) de Threoir 89/391¹ ón gComhairle maidir le bearta a thabhairt isteach chun feabhsuithe ar shábháilteacht agus ar shláinte oibrithe ag an obair a spreagadh, ar reachtaíocht nó ar chleachtas náisiúnta éigeantach ar dá réir nach bhfuil sé de cheart ag oibrithe caingean a thabhairt go díreach os comhair an údaráis inniúil um chosaint sábháilteachta agus sláinte ag an obair má mheasann siad nach leor na bearta a glacadh agus na modhanna a úsáideann an fostóir chun sábháilteacht agus sláinte ag an obair a áirithiú agus nach bhfuil siad i dteideal caingean a thabhairt os comhair na gcúirteanna má mheasann siad nach bhfuil a n-oibleagáidí maidir le haicmiú mar ionaid oibre comhlíonta ag na fostóirí [rud a dhéanann oibrithe a nochtadh do] dálaí áirithe oibre, don tréimhse ama a d’oibrigh cheana nó don tréimhse sa todhchaí caidreamh fostaíochta?

2)    An bhfuil éifeacht dhíreach ingearach ag Airteagal 11(6) de Threoir 89/391 agus, i gcomhar le hAirteagal 31(1) agus forálacha Airteagal 47 den Chairt um Chearta Bunúsacha an Aontais Eorpaigh, an n-aithnítear leis an mbeart sin, ceart na n-oibrithe chun cosaint bhreithiúnach i gcás go mainneoidh siad siúd atá freagrach go dlíthiúil a n-oibleagáidí faoin reachtaíocht a chomhlíonadh?

____________

¹ Treoir 89/391/CEE ón gComhairle an 12 Meitheamh 1989 maidir le bearta a thabhairt isteach chun feabhsuithe ar shábháilteacht agus ar shláinte oibrithe ag an obair a spreagadh (IO L 183, lch. 1).