Caingean arna tabhairt an 30 Eanáir 2024 – CE v BEI

(Cás T-48/24)

Teanga an cháis: an Fhraincis

Páirtithe

Iarratasóir: CE (ionadaí: D. Giabbani, Dlíodóir)

Cosantóir: An Banc Eorpach Infheistíochta

An t-ordú atá á lorg

Iarrann an t-iarratasóir ar an gCúirt Ghinearálta:

Glacadh leis an gcaingean seo go foirmeálta;

a dhearbhú go bhfuil bunús leis;

Cinneadh ó Uachtarán an Bhainc Eorpaigh Infheistíochta (BEI) an 30 Deireadh Fómhair a chur ar neamhní.

a ordú do BEI, chomh maith lena chuid costas féin, na costais arna dtabhú ag an iarratasóir a íoc.

Saincheisteanna dlí agus príomhargóintí

Mar thaca leis an gcaingean i gcoinne an chinnidh ón mBanc Eorpach Infheistíochta (BEI) an 30 Deireadh Fómhair 2023 lena meastar go bhfuil gearán ciaptha shícheolaíoch an iarratasóra gan bhunús agus gurb ionann é agus mí-úsáid nós imeachta de réir bhrí Airteagal 7 de pholasaí BEI um dhínit an duine ag an obair, maíonn an t-iarratasóir trí shaincheist dlí.

An chéad saincheist dlí, lena líomhnaítear sárú ar chearta na cosanta.

An dara saincheist dlí, lena líomhnaítear go ndearna an Coiste Fiosrúcháin um an dínit ag an obair (‘an Coiste’) earráidí follasacha léiriúcháin.

An triú saincheist dlí, lena líomhnaítear an neamhfhreagracht chinntí na tuairisce deireanaí ón gCoiste agus fírinne oibiachtúil na bhfíoras.

____________