Sentenza tal-Qorti tal-Ġustizzja (Awla Manja) tas-16 ta' Diċembru 2008 (talba għal deċiżjoni preliminari tal-Hof van Beroep te Gent - Il-Belġju) - proċeduri kriminali kontra Lodewijk Gysbrechts, Santurel Inter BVBA
(Artikoli 28 KE sa 30 KE - Direttiva 97/7/KE - Protezzjoni tal-konsumatur fir-rigward ta' kuntratti li jsiru mill-bogħod - Terminu għall-irtirar mill-kuntratt - Projbizzjoni li jintalab mingħand il-konsumatur ħlas akkont jew pagament qabel l-iskadenza tat-terminu għall-irtirar mill-kuntratt)
Lingwa tal-kawża: L-Olandiż
Qorti tar-rinviju
Hof van Beroep te Gent
Parti fil-proċedura kriminali prinċipali
Lodewijk Gysbrechts, Santurel Inter BVBA
Suġġett
Talba għal deċiżjoni preliminari - Hof van Beroep te Gent - Interpretazzjoni tal-Artikoli 28 u 30 KE - Effetti fuq il-kummerċ intra-Komunitarju ta' leġiżlazzjoni nazzjonali li tipprojbixxi li jintalab mingħand il-konsumatur ħlas akkont jew pagament qabel l-iskadenza tat-terminu ta' rtirar - Kompatibbiltà mad-dritt Komunitarju
Dispożittiv
L-Artikolu 29 KE ma jipprekludix li leġiżlazzjoni nazzjonali tipprojbixxi lill-fornitur, fil-kuntest ta' bejgħ mill-bogħod transkonfinali, li jitlob ħlas akkont tal-prezz jew kwalunkwe ħlas ieħor mingħand il-konsumatur qabel l-iskadenza tat-terminu ta' rtirar, iżda jipprekludi li, b'applikazzjoni ta' din il-leġiżlazzjoni, ikun ipprojbit, qabel l-iskadenza tal-imsemmi terminu, li jintalab in-numru tal-karta ta' kreditu tal-konsumatur.
____________1 - ĠU C 140, 23.06.2007