Rikors ippreżentat fit-2 ta' April 2009 - Doyle vs Europol
(Kawża F-37/09)
Lingwa tal-kawża: L-Olandiż
Partijiet
Rikorrenti: Margaret Doyle (Noordwijkerhout, l-Olanda) (rappreżentant: P. de Casparis)
Konvenut: Uffiċċju Ewropew tal-Pulizija (Europol)
Suġġett u deskrizzjoni tal-kawża
L-annullament tad-deċiżjoni tat-12 ta' Ġunju 2008 li tinforma lir-rikorrenti bl-impossibbiltà li tiġi offruta impjieg permanenti, kif ukoll id-deċiżjoni tas-7 ta' Jannar 2009 li tiċħad l-ilment imressaq kontra l-ewwel deċiżjoni.
Talbiet tar-rikorrenti
jannulla d-deċiżjoni tat-12 ta' Ġunju 2008 li permezz tagħha l-konvenut informa lill-konvenuta li ma setax joffrilha impjieg permanenti, kif ukoll id-deċiżjoni mogħtija fuq ilment fis-7 ta' Jannar 2009 li tiddikjara l-ilmenti li r-rikorrenti għamlet kontra l-ewwel deċiżjoni tat-12 ta' Ġunju 2008 bħala infondati;
jikkundanna lill-Europol għall-ispejjeż.
____________