Rikors ippreżentat fid-9 ta’ Ġunju 2023 – Pfriem vs EUIPO – U-Control (UC)
(Kawża T-316/23)
Lingwa tar-rikors: l-Ingliż
Partijiet
Rikorrent: Hanns Pfriem (Schweinfurt, il-Ġermanja) (rappreżentant: M. Pütz-Poulalion, avukat)
Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)
Parti oħra quddiem il-Bord tal-Appell: U-Control Srl (Torrile, l-Italja)
Informazzjoni dwar il-proċedimenti quddiem l-EUIPO
Proprjetarju tat-trade mark kontenzjuża: il-parti l-oħra quddiem il-Bord tal-Appell
Trade mark kontenzjuża kkonċernata: ir-reġistrazzjoni internazzjonali tat-trade mark li tindika l-Unjoni Ewropea figurattiva li tinkludi l-element verbali “UC” / Reġistrazzjoni internazzjonali Nru 1 569 179 li tindika l-Unjoni
Proċedimenti quddiem l-EUIPO: proċedimenti ta’ oppożizzjoni
Deċiżjoni kkontestata: id-deċiżjoni tar-Raba’ Bord tal-Appell tal-EUIPO tas-16 ta’ Marzu 2023 fil-Każ R 1404/2022-4
Talbiet
Ir-rikorrent jitlob li l-Qorti Ġenerali jogħġobha:
tannulla d-deċiżjoni kkontestata;
tilqa’ l-oppożizzjoni Nru B3146448 fl-intier tagħha, u tiċħad l-applikazzjoni kkontestata fir-rigward tal-prodotti u servizzi kollha kkontestati;
sussidjarjament,
tibgħat il-każ lill-Bord tal-Appell għall-eżami mill-ġdid.
tikkundanna lill-EUIPO għall-ispejjeż tar-rikorrent.
Motivi invokati
Ksur tal-Artikolu 41 tal-Karta tad-Drittijiet Fundamentali tal-Unjoni Ewropea;
Ksur tal-Artikolu 27(2) flimkien mal-Artikolu 8(3) tar-Regolament Delegat tal-Kummissjoni (UE) 2018/625;
Ksur tal-Artikolu 8(1)(b) flimkien mal-Artikolu 33(5) tar-Regolament (UE) 2017/1001 tal-Parlament Ewropew u tal-Kunsill.
____________