Rikors ippreżentat fl-24 ta’ Ottubru 2014 – ZZ vs Il-Parlament
(Kawża F-125/14)
Lingwa tal-kawża: l-Ingliż
Partijiet
Rikorrenti: ZZ (rappreżentanti: L. Levi u C. Bernard-Glanz, avukati)
Konvenut: Il-Parlament
Suġġett
Annullament tad-deċiżjoni tal-Parlament li tkeċċi lir-rikorrenti u talba għad-danni.
Talbiet tar-rikorrenti
Jannulla d-deċiżjoni kkontestata u, sa fejn meħtieġ, id-deċiżjoni li tiċħad l-ilment;
jordna lill konvenut iħallas lir-rikorrenti s-salarju u l-benefiċċji li hija kellha taqla sat-tmiem tal-leġislatura 2009/2014;
jordna lil konvenut iħallas lir-rikorrenti s-somma ta’ EUR 50000, ex aequo et bono, u li tista’ tiżdied jew tonqos fil-mori tal-kawża, bħala kumpens għad-dannu li jirriżulta mit-telf tal-possibbiltà li tikseb xogħol mal-Parlament Ewropew wara l-leġistlatura 2009/2014;
jordna lil konvenut iħallas lir-rikorrenti s-somma ta’ EUR 15000, ex aequo et bono, u li tista’ tiżdied jew tonqos fil-mori tal-kawża, bħala kumpens għad-danni morali subiti;
jikkundanna lill-Parlament għall-ispejjeż.