Sentenza tal-Qorti Ġenerali tal-20 ta’ Jannar 2021 – Foundation for the Protection of the Traditional Cheese of Cyprus named Halloumi vs EUIPO – M. J. Dairies (BBQLOUMI)
(Kawża T-328/17 RENV) 1
(“Trade mark tal-Unjoni Ewropea – Proċedimenti ta’ oppożizzjoni – Applikazzjoni għat-trade mark tal-Unjoni Ewropea figurattivi BBQLOUMI – Trade mark kollettiva tal-Unjoni Ewropea verbali preċedenti HALLOUMI – Raġuni relattiva għal rifjut – Assenza ta’ probabbiltà ta’ konfużjoni – Artikolu 8(1)(b) tar-Regolament (KE) Nru 207/2009 (li sar l-Artikolu 8(1)(b) tar-Regolament (UE) 2017/1001)”)
Lingwa tal-kawża: l-Ingliż
Partijiet
Rikorrent: Foundation for the Protection of the Traditional Cheese of Cyprus named Halloumi (Nikosija, Ċipru) (rappreżentanti: S. Malynicz, QC, V. Marsland, solicitor, u S. Baran, barrister)
Konvenut: L-Uffiċċju tal-Proprjetà Intellettwali tal-Unjoni Ewropea (rappreżentanti: D. Gája u V. Ruzek, aġenti)
Parti oħra fil-proċeduri quddiem il-Bord tal-Appell tal-EUIPO, intervenjenti quddiem il-Qorti Ġenerali: M. J. Dairies EOOD (Sofija, il-Bulgarija) (rappreżentant: D. Dimitrova, avukata)
Suġġett
Rikors ippreżentat kontra d-deċiżjoni tar-Raba’ Awla tal-Appell tal-EUIPO tas-16 ta’ Marzu 2017 (Każ R 497/2016-4), dwar proċedimenti ta’ oppożizzjoni bejn il-Foundation for the Protection of the Traditional Cheese of Cyprus named Halloumi u M. J. Dairies.
Dispożittiv
Ir-rikors huwa miċħud.
Foundation for the Protection of the Traditional Cheese of Cyprus named Halloumi hija kkundannata għall-ispejjeż marbuta mal-proċeduri quddiem il-Qorti Ġenerali kif ukoll mal-proċedura tal-appell quddiem il-Qorti tal-Ġustizzja.
____________
1 ĠU C 239, 24.7.2017.