Caingean arna tabhairt an 26 Eanáir 2024 – Seedless Gold International v CVPO – Ángel Teresa Hermanos (Queen)

(Cás T-74/24)

Teanga inar taisceadh an t-iarratas: an Spáinnis

Páirtithe

Iarratasóir: Seedless Gold International, SL (Pilar de la Horadada, an Spáinn) (ionadaí: P. M. Porcel Sánchez, Dlíodóir)

Cosantóir: An Oifig Comhphobail um Chineálacha Plandaí

Páirtí eile sna himeachtaí os comhair an Bhoird Achomhairc: Ángel Teresa Hermanos, SA (Pilar de la Horadada, an Spáinn)

Sonraí na n-imeachtaí os comhair CVPO

Dílseánach an Chirt comhphobail um chineál planda atá faoi chonspóid: Páirtí eile sna himeachtaí os comhair an Bhoird Achomhairc

An Ceart comhphobail um chineál planda atá faoi chonspóid: Ceart comhphobail um chineál planda Uimh. EU 33910 – ainmníocht an chineáil Queen – Speiceas: Citrus reticulata Blanco

Nós imeachta os comhair CVPO: Nós imeachta um aistriú

Cinneadh atá faoi chonspóid: Cinneadh ón Dara Bord Achomhairc de CVPO an 13 Nollaig 2023 i gCás A001/2022

An t-ordú atá á lorg

Iarrann an t-iarratasóir ar an gCúirt Ghinearálta an cinneadh atá faoi chonspóid a chúlghairm, agus mar thoradh air sin, an chuideachta Seedless Gold International, SL a choinneáil mar dhílseánach iarbhír an chirt um chineál mandairín ‘Queen’ ag a bhfuil ceart um chosaint Uimh. 339610 ós rud é gurb é atá ina dhílseánach cláraithe maidir leis an ngníomhas aistrithe agus sannta a bhaineann leis na cearta atá i gceist.

Saincheisteanna dlí arna maíomh

Cur i bhfeidhm mícheart ar an bhfianaise dhoiciméadach a bhaineann le cur i bhfeidhm Airteagal 23 de Rialachán (CE) Uimh. 2100/1994 ón gComhairle agus Airteagal 79 de Rialachán (CE) Uimh. 874/2009 ón gCoimisiún;

Is ann do riachtanais bhreise maidir le dearbhú an doiciméad um shannadh cearta, maidir le cur i bhfeidhm Airteagal 50(1)(a), Airteagal 73(4), Airteagal 79, Airteagal 80(1)(a) agus (d), Airteagal 87(1)(a), agus Airteagal 87(2)(d), Airteagal 89 de Rialachán (CE) Uimh. 874/2009 ón gCoimisiún, agus Airteagail 12 agus 23 de Rialachán (CE) Uimh. 2100/1994 ón gComhairle;

Earráid i measúnú na fianaise a cuireadh ar fáil do Bhord Achomhairc CPVO;

Cur i gcrích na n-imeachtaí coiriúla agus easpa comharthaí sóirt coiriúlachta atá leordhóthanach i gcoinne Seedless Gold International S.L. agus i gcoinne an iarratasóra os comhair CPVO.

____________