Digriet tal-Qorti Ġenerali (Il-Ħames Awla) tal-31 ta’ Awwissu 2011 – IEM vs Il-Kummissjoni

(Kawża T-435/10)

“Rikors għal annullament – Ir-raba’ programm qafas dwar attivitajiet ta’ riċerka, ta’ żvilupp teknoloġiku u ta’ dimostrazzjoni – Talba għar-rimbors ta’ ammonti mħallsa bil-quddiem għall-eżekuzzjoni ta’ kuntratt ta’ finanzjament ta’ riċerka – Klawżola ta’ arbitraġġ – Ittra li tavża l-ħruġ ta’ nota ta’ debitu – Ittra li tfakkar – Atti inseparabbli mill-kuntratt – Inammissibbiltà”

1.                     Rikors għal annullament - Rikors li fil-verità jirrigwarda kwistjoni ta’ natura kuntrattwali - Nuqqas ta’ ġurisdizzjoni ta’ qorti tal-Unjoni - Inammissibbiltà (Artikoli 256 TFUE, 263 TFUE, 272 TFUE u 274 TFUE) (ara l-punti 27, 28)

2.                     Rikors għal annullament - Rikors li fil-verità jirrigwarda kwistjoni ta’ natura kuntrattwali - Kwalifikazzjoni mill-ġdid tar-rikors - Esklużjoni (Artikoli 263 TFUE u 272 TFUE) (ara l-punt 29)

Suġġett

Talba għall-annullament, minn naħa, tal-ittra tal-Kummissjoni tas-7 ta’ Mejju 2010, li tavża l-ħruġ ta’ nota ta’ debitu għar-rimbors ta’ somma ta’ EUR 105 416.47, li tikkorrispondi għall-ammonti mħallsa bil-quddiem lir-rikorrenti minn Parthénon AE Oikodomikon – Technikon – Touristikon – Viomichanikon – Emporikon kai Exagogikon Ergasion, b’eżekuzzjoni tal-kuntratt FAIR‑CT98‑9544 konkluż fil-kuntest tar-raba’ programm qafas dwar attivitajiet ta’ riċerka, ta’ żvilupp teknoloġiku u ta’ dimostrazzjoni u, min-naħa l-oħra, tal-ittra tal-Kummissjoni tal-14 ta’ Lulju 2010, li terġa’ teżiġi l-ħlas tas-somma prinċipali mhux imħallsa, mitluba permezz tan-nota ta’ debitu Nru 3241004968.

Dispożittiv

1) Ir-rikors huwa miċħud bħala inammissibbli.

2) IEM – Erga – Erevnes – Meletes perivallontos kai chorotaxias AE hija kkundannata għall-ispejjeż.