Rikors ippreżentat fit-23 ta’ Ġunju 2021 – Plusmusic vs EUIPO – Groupe Canal + (+music)
(Kawża T-344/21)
Lingwa tar-rikors: l-Ingliż
Partijiet
Rikorrent: Plusmusic AG (Dietikon, l-Isvizzera) (rappreżentanti: M. Maier u A. Spieß, avukati)
Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)
Parti oħra quddiem il-Bord tal-Appell: Groupe Canal + (Issy-les-Moulineaux, Franza)
Informazzjoni dwar il-proċedimenti quddiem l-EUIPO
Applikant għat-trade mark kontenzjuża: ir-rikorrenti
Trade mark kontenzjuża kkonċernata: it-trade mark figurattiva tal-Unjoni Ewropea +music – Applikazzjoni għal reġistrazzjoni Nru 17 482 571
Proċedimenti quddiem l-EUIPO: proċedimenti ta’ oppożizzjoni
Deċiżjoni kkontestata: id-deċiżjoni tal-Ħames Bord tal-Appell tal-EUIPO tas-16 ta’ April 2021 fil-Każ R 1236/2020-5
Talbiet
Ir-rikorrenti titlob li l-Qorti Ġenerali jogħġobha:
tannulla parzjalment id-deċiżjoni kkontestata sa fejn din tikkonferma l-oppożizzjoni tal-parti l-oħra abbażi tal-Artikolu 8(1)(b) tar-Regolament dwar it-trademark tal-Unjoni Ewropea;
tikkundanna lill-EUIPO u lill-parti l-oħra għall-ispejjeż tagħhom u għal dawk tar-rikorrenti.
Motivi invokati
Ksur tal-Artikolu 8(1)(b) tar-Regolament (UE) 2017/1001 tal-Parlament Ewropew u tal-Kunsill billi evalwa b’mod żbaljat il-paragun viżiv tas-sinjali;
Ksur tal-Artikolu 8(1)(b) tar-Regolament (UE) 2017/1001 tal-Parlament Ewropew u tal-Kunsill billi evalwa b’mod żbaljat il-karattru distintiv ta’ sinjali bil-forma ta’ salib preċedenti;
Ksur tal-Artikolu 8(1)(b) tar-Regolament (UE) 2017/1001 tal-Parlament Ewropew u tal-Kunsill billi evalwa b’mod żbaljat il-probabbiltà ta’ konfużjoni.
____________