Iarraidh ar réamhrialú ón Corte di Appello di Firenze (an Iodáil) a taisceadh an 19 Márta 2024 – L.T. s.s. v Istituto nazionale della previdenza sociale (INPS)

(Cás C-212/24, L.T.)

Teanga an cháis: an Iodáilis

An chúirt a rinne an tarchur

Corte di Appello di Firenze

Páirtithe sna príomhieachtaí

Iarratasóir: L.T. s.s.

Cosantóir: Istituto nazionale della previdenza sociale (INPS)

Na ceisteanna a tharchuirtear

An gcaithfear Clásal 4(1) den Chomhaontú Réime a léiriú sa chaoi go gcuirtear cosc leis ar chomhaontú comhchoiteann náisiúnta, amhail an ceann atá in Airteagal 40 C.C.N.L. [an Comhaontú Náisiúnta um Shaothar Comhchoiteann] d’oibrithe talmhaíochta agus bláthadóireachta an 6 Iúil 2006, arna léiriú ag Corte di Cassazione (Cúirt Freaschuir, an Iodáil) ar mhodh atá ina cheangal ar an gcúirt a rinne an tarchur, a aithníonn, maidir leis an oibrí feirme ar théarma seasta, an ceart chun íocaíochta as na huaireanta oibre a dhéantar iarbhír sa lá, seachas an Airteagal 30 roimhe seo de C.C.N.L. a aithníonn, i gcás oibrithe talmhaíochta ar chonarthaí buana, an ceart chun luach saothair, agus é a bhunú ar lá oibre de 6.30 uair an chloig?

Más freagra dearfach atá ar an gceist roimhe seo, an bhfuil Clásal 4(1) den Chomhaontú Réime le léiriú sa chaoi a chiallaíonn go gcinnfear méid na ranníocaíochta leasa shóisialaigh éigeantaigh is iníoctha i leith oibrithe talmhaíochta ar théarma seasta is ábhar fostaíochta é scéim slándála sóisialta ceirde freisin, agus dá bhrí sin nach mór í a chinneadh ar bhonn an chritéir chéanna agus atá i gcás oibrithe talmhaíochta buana agus ar chomhréir leis an am oibre laethúil a shocraítear le comhaontú comhchoiteann, agus ní ar bhonn na huaireanta oibre iarbhír?

____________