Breithiúnas na Cúirte Ghinearálta an 28 Feabhra 2024 – Scandlines Danmark agus Scandlines Deutschland v an Coimisiún
(Cás T-390/20)1
(Státchabhair – Maoiniú poiblí do nasc iarnróid seasta Chrios Fehmarn – Cúnamh arna dheonú ag an Danmhairg do Femern – Cinneadh lena ndearbhaítear go bhfuil an chabhair comhoiriúnach leis an margadh inmheánach – Cabhair aonair – Tionscadal tábhachtach ar mhaithe le leas na hEorpa i gcoitinne – Gá le cabhair – Comhréireacht – Comhardú éifeachtaí tairbhiúla na cabhrach i gcoinne a héifeachtaí diúltacha ar dhálaí trádála agus cothabháil iomaíochta neamhshaofa – Teachtaireacht maidir leis na critéir a bhaineann le hanailís a dhéanamh ar chomhoiriúnacht státchabhrach leis an margadh inmheánach chun cur i gcrích tionscadal tábhachtach ar mhaithe le leas na hEorpa i gcoitinne a chur chun cinn)
Teanga an cháis: an Béarla
Páirtithe
Iarratasóirí: Scandlines Danmark ApS (Cóbanhávan, an Danmhairg), Scandlines Deutschland GmbH (Hamburg, an Ghearmáin) (ionadaí: L. Sandberg-Mørch, Dlíodóir)
Cosantóir: an Coimisiún Eorpach (ionadaí: S. Noë, Gníomhaire)
Idiragraithe, mar thaca leis na hiarratasóirí: European Community Shipowners’ Associations (ECSA) (an Bhruiséil, an Bheilg) (ionadaithe: L. Sandberg-Mørch agus M. Honoré, Dlíodóirí), Danish Ferry Association (Cóbanhávan) (ionadaithe: L. Sandberg-Mørch agus M. Honoré, Dlíodóirí), Naturschutzbund Deutschland eV (NABU) (Stuttgart, an Ghearmáin) (ionadaithe: T. Hohmuth agus R. Weyland, Dlíodóirí), Verband Deutscher Reeder eV (Hamburg) (ionadaithe: L. Sandberg-Mørch agus M. Honoré, Dlíodóirí), Aktionsbündnis gegen eine feste Fehmarnbeltquerung eV (Fehmarn, an Ghearmáin) (ionadaithe: L. Sandberg-Mørch agus W. Mecklenburg, Dlíodóirí), Föreningen Svensk Sjöfart (FSS) (Gothenburg, an tSualainn) (ionadaithe: L. Sandberg-Mørch agus M. Honoré, Dlíodóirí), Rederi AB Nordö-Link (Malmö, an tSualainn) (ionadaithe: L. Sandberg-Mørch agus P. Werner, Dlíodóirí), Trelleborg Hamn AB (Trelleborg, an tSualainn) (ionadaithe: Sandberg-Mørch agus I. Ioannidis, Dlíodóirí)
Idiragraí, mar thaca leis an gcosantóir: Ríocht na Danmhairge (ionadaithe: M. Søndahl Wolff, Gníomhaire, agus R. Holdgaard, Dlíodóir)
Ábhar
Trína gcaingean de bhun Airteagal 263 CFAE, iarrann na hiarratasóirí go ndéanfaí Cinneadh C(2020) 1683 final ón gCoimisiún an 20 Márta 2020 maidir le Státchabhair SA.39078-2019/C (ex 2014/N) arna chur chun feidhme ag an Danmhairg le haghaidh Femern A/S (IO 2020 L 339, lch. 1) a chur ar neamhní.
An chuid oibríochtúil
Díbhtear don chaingean.
Ordaítear do Scandlines Danmark ApS agus Scandlines Deutschland GmbH a gcostais féin a íoc agus na costais arna dtabhú ag an gCoimisiún Eorpach a íoc.
Ordaítear do Ríocht na Danmhairge, European Community Shipowners’ Associations (ECSA), Danish Ferry Association, Naturschutzbund Deutschland eV (NABU), Verband Deutscher Reeder eV, Aktionsbündnis gegen eine feste Fehmarnbeltquerung eV, Föreningen Svensk Sjöfart (FSS), Rederi AB Nordö-Link agus Trelleborg Hamn AB a gcostais féin a íoc.
____________
1 IO C 279, 24.8.2020.