Kawża C‑242/13
Commerz Nederland NV
vs
Havenbedrijf Rotterdam NV
(talba għal deċiżjoni preliminari mressqa mill-Hoge Raad der Nederlanden)
“Rinviju għal deċiżjoni preliminari — Kompetizzjoni — Għajnuna mill-Istat — Artikolu 107(1) TFUE — Kunċett ta’ ‘għajnuna’ — Garanziji mogħtija minn impriża pubblika lil bank sabiex jagħti kreditu lil persuni li qegħdin jissellfu — Garanziji mogħtija deliberatament mid-direttur ta’ din l-impriża pubblika bi ksur tad-dispożizzjonijiet tal-istatut tagħha — Preżunzjoni ta’ oppożizzjoni mill-entità pubblika proprjetarja tal-imsemmija impriża — Imputabbiltà tal-garanziji lill-Istat”
Sommarju — Sentenza tal-Qorti tal-Ġustizzja (It-Tieni Awla) tas-17 ta’ Settembru 2014
1. Proċedura ġudizzjarja — Talba għall-ftuħ mill-ġdid tal-proċedura orali — Talba sabiex jiġu ppreżentati osservazzjonijiet dwar il-punti ta’ liġi mqajma mill-konklużjonijiet tal-Avukat Ġenerali — Kundizzjonijiet għall-ftuħ mill-ġdid
(Statut tal-Qorti tal-Ġustizzja, Artikolu 23; Regoli tal-Proċedura tal-Qorti tal-Ġustizzja, Artikolu 83)
2. Għajnuna mogħtija mill-Istati — Kunċett — Garanziji mogħtija minn impriża pubblika — Imputabbiltà lill-awtorità pubblika li għandha l-kontroll tal-imsemmija impriża — Indizji kollha li għandhom jittieħdu inkunsiderazzjoni
(Artikolu 107(1) TFUE)
1. Ara t-test tad-deċiżjoni.
(ara l-punt 26)
2. L-Artikolu 107(1) TFUE għandu jiġi interpretat fis-sens li, sabiex jiġi ddeterminat jekk il-garanziji mogħtija minn impriża pubblika humiex jew le imputabbli lill-awtorità pubblika li għandha l-kontroll tagħha, huma rilevanti, flimkien mal-indizji kollha li jirriżultaw miċ-ċirkustanzi tal-kawża prinċipali u mill-kuntest li fih seħħew, iċ-ċirkustanzi li, minn naħa, l-amministratur waħdieni tal-imsemmija impriża li ta dawn il-garanziji aġixxa b’mod arbitrarju, deliberatament żamm sigriet l-għoti tagħhom u kiser l-istatuti tal-impriża tiegħu u, min-naħa l-oħra, din l-awtorità pubblika kienet topponi għall-għoti tal-imsemmija garanziji li kieku kienet ġiet informata dwarhom. Dawn iċ-ċirkustanzi ma humiex madankollu, fihom innifishom, ta’ natura li jeskludu tali imputabbiltà.
(ara l-punt 39 u d-dispożittiv)