Iarraidh ar réamhrialú ón Corte suprema di cassazione (an Iodáil) a taisceadh an 28 Aibreán 2023 – M.M.,  i gcáil oidhre M.R. v Ministero della Difesa

(Cás C-278/23 Biltena¹ )

Teanga an cháis: an Iodáilis

An chúirt a rinne an tarchur

Corte suprema di cassazione

Páirtithe sna príomhimeachtaí

Iarratasóir: M.M., i gcáil oidhre M.R.

Cosantóir: Ministero della Difesa

Na ceisteanna a tharchuirtear

An gá Clásal 5 ‘Bearta chun mí-úsáid a chosc’ den Chomhaontú Réime maidir le hobair téarma shocraithe a thug ETUC, UNICE agus CEEP chun críche, atá leagtha amach san Iarscríbhinn a ghabhann le Treoir 1999/70/CE ón gComhairle an 28 Meitheamh 1999¹ , a léiriú sa chaoi go gcuirtear cosc ar reachtaíocht náisiúnta, amhail reachtaíocht na hIodáile dá bhforáiltear in Airteagal 2(1) de legge n. 1023 del 1969 (Dlí Uimh. 1023 de 1969) agus in Airteagal 1 den Decreto Ministeriale 20 dicembre 1971 (Foraithne Aireachta an 20 Nollaig 1971), lena bhforáiltear  go sannfar foirne sibhialtacha lasmuigh de riarachán an Stáit le haghaidh ceapacháin bhliantúla (de réir bhrí Airteagal 7 d’Fhoraithne Aireachta an 20 Nollaig 1971 “ar feadh uastréimhse  aon scoilbhliana”) chun teagaisc in ábhair neamh-mhíleata i scoileanna, i mbunaíochtaí agus i gcomhlachtaí cabhlach agus aerfhórsa na hIodáile, gan foráil a dhéanamh maidir le cúiseanna oibiachtúla a léiriú a thugann údar maith lena n-athnuachan (dá bhforáiltear go sainráite in Airteagal 4 den Fhoraithne Aireachta chéanna, chun foráil a dhéanamh maidir le laghdú ar luach saothair an dara sannadh), fad uasta iomlán na gconarthaí ar théarma seasta agus líon uasta na n-athnuachan, agus gan foráil a dhéanamh maidir leis an bhféidearthacht do mhúinteoirí den sórt sin cúiteamh a fháil as aon damáiste a rinneadh mar thoradh ar athnuachan den sórt sin, in éagmais ról do mhúinteoirí na scoileanna sin a bhfuil rochtain acu orthu?

An cúiseanna oibiachtúla iad ceanglais eagraíochtúla chóras bunaíochtaí, scoileanna agus comhlachtaí aerfhórsa na hIodáile, de bhun Chlásal 5(1) [den Chomhaontú Réime maidir le hobair téarma shocraithe a thug ETUP, UNICE agus CEEP chun críche, a ghabhann le] Treoir 1999/70/CE ón gComhairle an 28 Meitheamh 1999, agus dá bhrí sin de chineál a d’fhágfadh go mbeadh reachtaíocht, amhail an reachtaíocht Iodálach thuasluaite – nach leagtar síos léi, maidir le foireann a cheapadh lasmuigh de bhunaíochtaí míleata, scoileanna agus comhlachtaí den sórt sin chun teagasc a dhéanamh, coinníollacha maidir le leas a bhaint as obair ar théarma seasta i gcomhréir le Treoir 1999/70/CE agus leis an gComhaontú Réime atá i gceangal leis, agus nach bhforáiltear ann do cheart chun cúitimh i ndamáiste – ag luí le dlí an Aontais?

____________

¹ Is ainm bréige é ainm an cháis seo. Ní fhreagraíonn sé d’fhíorainm aon pháirtí sna himeachtaí.

¹ Treoir 1999/70/CE ón gComhairle an 28 Meitheamh 1999 maidir leis an gComhaontú Réime maidir le hobair théarma shocraithe a thug ETUC, UNICE agus CEEP chun críche (IO 1999 L 175, lch. 43).