Breithiúnas na Cúirte Ginearálta an 6 Nollaig 2023 – Poblacht na Seice v an Coimisiún
(Cás T-48/22)1
(CERT agus CETFT – Caiteachas atá eisiata ó mhaoiniú – Nós imeachta imréitigh comhréireachta – Feirmeoir gníomhach – Féaraigh bhuana – Sampla rialaithe – Íocaíochtaí neamhdhlite – Tíolacadh déanach an iarratais – Smacht airgeadais – Oibleagáid cúiseanna a lua – Ionchais dhlisteanacha – Comhréireacht)
Teanga an cháis: an tSeicis
Páirtithe
Iarratasóir: Poblacht na Seice (ionadaithe: M. Smolek, J. Vláčil, O. Serdula agus J. Očková, Gníomhairí)
Cosantóir: an Coimisiún Eorpach (ionadaithe: J. Aquilina, A. Becker, K. Walkerová agus J. Hradil, Gníomhairí)
Ábhar
Trína caingean de bhun Airteagal 263 CFAE, iarrann Poblacht na Seice go ndéanfaí Cinneadh Cur Chun Feidhme (AE) 2021/2020 ón gCoimisiún an 17 Samhain 2021 a chur ar neamhní go páirteach, lena n-eisiatar ó mhaoiniú an Aontais Eorpaigh caiteachas áirithe arna thabhú ag na Ballstáit faoin gCiste Eorpach um Ráthaíocht Talmhaíochta (CERT) agus faoin gCiste Eorpach Talmhaíochta um Fhorbairt Tuaithe (CETFT) (IO 2021 L 413, lch. 10), a mhéid a bhaineann sé leis an gcaiteachas a líomhnaítear a thabhaigh sé sna blianta 2015 go 2017, arb ionann é agus EUR 43 470 836.30.
An chuid oibríochtúil
Déantar Cinneadh Cur Chun Feidhme (AE) 2021/2020 ón gCoimisiún an 17 Samhain 2021 lena n-eisiatar ó mhaoiniú an Aontais Eorpaigh caiteachas áirithe arna thabhú ag na Ballstáit faoin gCiste Eorpach um Ráthaíocht Talmhaíochta (CERT) agus faoin gCiste Eorpach Talmhaíochta um Fhorbairt Tuaithe (CETFT) a mhéid a fhorchuireann sé ceartú airgeadais ar Phoblacht na Seice, ar an gcéad dul síos, mar gheall ar shárú ar fhorálacha dhlí an Aontais a bhaineann le roghnú shampla na dtairbhithe cabhrach atá le bheith faoi réir rialú caighdeánach; ar mhéid EUR 18 833.24 agus, ar an dara dul síos, easnaimh sa rialú arb é is aidhm dó a fhíorú an raibh limistéar atá neamh-incháilithe do chabhair, ar feadh bliain amháin, incháilithe freisin le haghaidh na mblianta roimhe sin agus ar cheart go mbeadh sé ina chúis le himeachtaí aisghabhála íocaíochtaí neamhdhlite a thionscnamh faoi scéim íocaíochta aonair, de mhéid EUR 17 855 884.41, a chur ar neamhní.
Diúltaítear don chuid eile don chaingean;
Ordaítear do Phoblacht na Seice agus don Choimisiún Eorpach a gcostais féin a íoc.
____________
1 IO C 128, 21.3.2022.