Rikors ippreżentat fis-27 ta' Awwissu 2009 - Müller-Boré & Partner vs UASI - Popp et (MBP)
(Kawża T-338/09)
Lingwa tar-rikors: Il-Ġermaniż
Partijiet
Rikorrenti: Müller-Boré & Partner (Munich, il-Ġermanja) (rappreżentanti: C. Osterrieth u T. Schmitz, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Partijiet oħra quddiem il-Bord tal-Appell: E. Popp (Munich, il-Ġermanja), W. E. Sajda (Munich), J. Bohnenberger (Munich), V. Kruspig (Munich)
Talbiet tar-rikorrenti
tannulla d-deċiżjoni tar-Raba' Bord tal-Appell tal-Uffiċċju għall-Armonizzazzjoni fis-Suq Intern (UASI), tat-23 ta' Ġunju 2009, fil-Każ R 1176/2007-4, u li tbiddilha fis-sens li l-appell u l-oppożizzjoni jiġu miċħuda kompletament;
tikkundanna lill-konvenut għall-ispejjeż.
Motivi u argumenti prinċipali
Applikant għat-trade mark Komunitarja: ir-rikorrenti
Trade mark Komunitarja kkonċernata: it-trade mark verbali "MBP" għal servizzi fil-klassijiet 35 u 42 (Applikazzjoni Nru 1 407 857)
Proprjetarju tat-trade mark jew tas-sinjal invokat insostenn tal-oppożizzjoni: E. Popp, W. E. Sajda, J. Bohnenberger u V. Kruspig
Trade mark jew sinjal invokat insostenn tal-oppożizzjoni: it-trade mark verbali "ip_law@mbp." għal servizzi fil-klassi 42 (Trade mark Komunitarja Nru 667 105), kif ukoll l-isem kummerċjali speċifiku "mbp.de" fis-sens tal-Markengestetz (liġi Ġermaniża dwar it-trade marks)
Deċiżjoni tad-Diviżjoni tal-Oppożizzjoni: oppożizzjoni miċħuda
Deċiżjoni tal-Bord tal-Appell: appell milqugħ parzjalment
Motivi invokati: ksur tal-Artikolu 8(1)(b) tar-Regolament Nru 207/2009 għaliex ma teżistix probabbiltà ta' konfużjoni bejn it-trade marks kunfliġġenti
____________1 - Regolament tal-Kunsill (KE) Nru 207/2009, tas- 26 ta' Frar 2009, dwar it-trade mark Komunitarja (ĠU L 78, p. 1).