Digriet tal‑Qorti tal-Prim’Istanza (It‑Tieni Awla) tat-30 ta’ Ġunju 2009 – CPEM vs Il‑Kummissjoni

(Kawża T‑106/08)

“Rikors għal annullament – Nota ta’ debitu – Att li ma jistax jiġi kkontestat – Att konfermatorju – Inammissibbiltà – Rikors għad-danni – Rikors manifestament infondat fid-dritt”

1.                     Rikors għal annullament – Atti li jistgħu jiġu kkontestati – Kunċett (Artikolu 230 KE) (ara l-punti 25, 29)

2.                     Responsabbiltà mhux kuntrattwali – Kundizzjonijiet (Artikolu 235 KE u t-tieni paragrafu tal-Artikolu 288 KE) (ara l-punti 40, 41)

Suġġett

Talba għall-annullament tan-Nota ta’ Debitu Nru 3240912189, tas-17 ta’ Diċembru 2007, fir-rigward tad-Deċiżjoni tal-Kummissjoni C(2007) 4645, tal-4 ta’ Ottubru 2007, li tħassar l-għajnuna mogħtija mill-Fond Soċjali Ewropew (FSE) bid-Deċiżjoni C (1999) 2645, tas-17 ta’ Awwissu 1999.

Dispożittiv

1) It-talba għal annullament hija miċħuda bħala inammissibbli.

2) It-talba għad-danni hija miċħuda bħala manifestament infondata fid-dritt.

3) Is-Centre de promotion de l’emploi par la micro-entreprise (CPEM) għandu jbati l-ispejjeż tiegħu, inklużi dawk relatati mal-proċeduri għal miżuri provviżorji.