Rikors ippreżentat fis-27 ta' Awwissu 2008 - Peek & Cloppenburg u van Graaf vs UASI - It-Tajlandja (Thai Silk)
(Kawża T-361/08)
Lingwa tar-rikors: Il-Ġermaniż
Partijiet
Rikorrenti: Peek & Cloppenburg (Hamburg, il-Ġermanja) u van Graaf GmbH & Co. KG (Vjenna, l-Awstrija) (rappreżentanti: V. von Bomhard, A. Renck, T. Dolde u J. Pause, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: It-Tajlandja
Talbiet tar-rikorrenti
tannulla d-deċiżjoni R 1677/2007-4 tar-Raba' Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tal-10 ta' Ġunju 2008, u
tikkundanna lill-konvenut għall-ispejjeż.
Motivi u argumenti prinċipali
Applikant għat-trade mark Komunitarja: It-Tajlandja
Trade mark Komunitarja kkonċernata: It-trade mark figurattiva "Thai Silk" irrappreżentata bil-kuluri "blu skur u abjad" għal prodotti fil-klassijiet 24 u 25 (Reġistrazzjoni Nru 4 099 297).
Proprjetarju tat-trade mark jew tas-sinjal invokat insostenn tal-oppożizzjoni: Ir-rikorrenti.
Trade mark jew sinjal invokat insostenn tal-oppożizzjoni: Rappreżentazzjoni ta' pagun bil-kuluri iswed u abjad għal prodotti u servizzi fil-klassijiet 18, 25 u 35.
Deċiżjoni tad-Diviżjoni tal-Oppożizzjoni: Ċaħda tal-oppożizzjoni.
Deċiżjoni tal-Bord tal-Appell: Ċaħda tal-appell.
Motivi invokati: Ksur tal-Artikolu 8(1)(b) tar-Regolament tal-Kunsill (KE) Nru 40/94 safejn teżisti probabbiltà ta' konfużjoni bejn it-trade marks konfliġġenti minħabba x-xebh fl-impressjoni ġenerali tagħhom.
____________