Digriet tal-President tal-Qorti Ġenerali tat-23 ta’ Marzu 2017 –
L-Ungerija vs Il-Kummissjoni
(Kawża T-20/17 R)
“Proċeduri għal miżuri provviżorji – Għajnuna mill-Istat – Taxxa Ungeriża dwar id-dħul mill-bejgħ marbut mar-reklamar – Deċiżjoni li tiddikjara l-għajnuna inkompatibbli mas-suq intern u li tordna l-irkupru tagħha – Talba għas-sospensjoni tal-eżekuzzjoni – Nuqqas ta’ urġenza”
1. Proċeduri għal miżuri provviżorji – Sospensjoni tal-eżekuzzjoni – Miżuri provviżorji – Kundizzjonijiet għall-għoti – “Fumus boni juris” – Urġenza – Dannu gravi u irreparabbli – Natura kumulattiva – Ibbilanċjar tal-interessi kollha inkwistjoni – Ordni ta’ eżami u metodu ta’ verifika – Setgħa diskrezzjonali tal-Imħallef għal miżuri provviżorji
(Artikoli 256(1) TFUE, 278 TFUE u 279 TFUE; Regoli tal-Proċedura tal-Qorti Ġenerali, Artikolu 156(4))
(ara l-punti 7-10)
2. Proċeduri għal miżuri provviżorji – Sospensjoni tal-eżekuzzjoni – Miżuri provviżorji – Kundizzjonijiet għall-għoti – Urġenza – Dannu gravi u irreparabbli – Dannu li jista’ jiġi invokat minn Stat Membru – Obbligu li jiġi stabbilit effett serju fuq il-funzjonijiet tal-istat, fuq l-ordni pubbliku jew fuq settur sħiħ tal-ekonomija fl-assenza tal-miżuri provviżorji – Nuqqas ta’ urġenza
(Artikoli 256 TFUE, 278 TFUE u 279 TFUE; Regoli tal-Proċedura tal-Qorti Ġenerali, Artikolu 156(4))
(ara l-punti 14-21)
Suġġett
| Talba bbażata fuq l-Artikoli 278 u 279 TFUE u intiża għas-sospensjoni mill-eżekuzzjoni tad-Deċiżjoni tal-Kummissjoni C(2016) 6929 finali, tal‑4 ta’ Novembru 2016, dwar il-miżura SA.39235 (2015/C) (ex 2015/NN), implementata mill-Ungerija fil-qasam tat-tassazzjoni tad-dħul mir-reklamar. |
Dispożittiv
1) | | It-talba għal miżuri provviżorji hija miħuda. |
2) | | L-ispejjeż huma rriżervati. |