Sentenza tal-Qorti Ġenerali tat-13 ta’ Diċembru 2017 – Il-Greċja vs Il-Kummissjoni
(Kawża T-314/15) 1
(“Għajnuna mill-Istat – Għajnuna favur impriża li kkonkludiet kuntratt ta’ konċessjoni għall-operazzjoni ta’ terminali ta’ kontejners fil-port ta’ Pireus – Deċiżjoni li tiddikjara l-għajnuna inkompatibbli mas-suq intern – Drittijiet tad-difiża – Obbligu ta’ motivazzjoni – Kunċett ta’ għajnuna mill-Istat – Għajnuna intiża li tiffaċilita l-iżvilupp ta’ ċerti attivitajiet jew ta’ ċerti reġjuni ekonomiċi – Effett tal-għajnuna bħala inċentiv – Neċessità tal-għajnuna – Determinazzjoni tal-ammont tal-għajnuna”)
Lingwa tal-kawża: il-Grieg
Partijiet
Rikorrenti: Ir-Repubblika Ellenika (rappreżentanti: K. Boskovits u L. Kotroni, aġenti)
Konvenuta: Il-Kummissjoni Ewropea (rappreżentanti: A. Bouchagiar u B. Stromsky, aġenti)
Suġġett
Talba bbażata fuq l-Artikolu 263 TFUE u intiża għall-annullament tad-Deiċżjoni tal-Kummissjoni (UE) 2015/1827 tat-23 ta’ Marzu 2015 dwar l-għajnuna mill-Istat SA 28876 (12/C) (ex CP 202/09) implimentata mill-Greċja għal Piraeus Container Terminal S.A. u Cosco Pacific Limited (ĠU 2015, L 269, p. 93).
Dispożittiv
Ir-rikors huwa miċħud.
Ir-Repubblika Ellenika hija kkundannata għall-ispejjeż.
____________
1 ĠU C 279, 24.8.2015.