Sentenza tal-Qorti Ġenerali tal-1 ta’ Marzu 2018 – Il-Polonja vs Il-Kummissjoni
(Kawża T-316/15) 1
(“FEŻR – Rifjut li tikkonferma għajnuna finanzjarja għal proġett maġġuri – L-ewwel paragrafu (g) tal-Artikolu 40(1) tar-Regolament (KE) Nru 1083/2006– Ġustifikazzjoni tal-parteċipazzjoni pubblika – Artikolu 41(2) tar-Regolament Nru 1083/2006 – Terminu li skada”)
Lingwa tal-kawża: il-Pollakk
Partijiet
Rikorrenti: Ir-Repubblika tal-Polonja (rappreżentant: B. Majczyna, aġent)
Konvenuta: Il-Kummissjoni Ewropea (rappreżentanti: B.-R. Killmann, D. Recchia u M. Siekierzyńska, aġenti)
Suġġett
Talba bbażata fuq l-Artikolu 263 TFUE u għall-annullament tad-Deċiżjoni tal-Kummissjoni (2015) 2230, tal-31 ta’ Marzu 2015, li rrifjutat li tikkonferma lir-Repubblika tal-Polonja għajnuna finanzjarja mill-Fond Ewropew għall-Iżvilupp Reġjonali (FEŻR) favur il-proġett maġġuri “Ħolqien ta’ Servizzi Innovattivi fiċ-Ċentru ta’ Servizzi Maqsuma IBM fi Wrocław”, fil-kuntest tal-Assi Prioritarju Nru 4 tal-programm operazzjonali “Ekonomija Innovattiva”.
Dispożittiv
Ir-rikors huwa miċħud.
Ir-Repubblika tal-Polonja hija kkundannata għall-ispejjeż.
____________
1 ĠU C 294, 7.9.2015.