Sentenza tal-Qorti Ġenerali tat-13 ta' Settembru 2012 - L-Italja vs Il-Kummissjoni
(Kawża T-379/09)
"Għajnuna mill-Istat - Eżenzjoni mid-dazju tas-sisa fuq id-diżil użat għat-tisħin tas-serer - Deċiżjoni li tiddikjara l-iskema ta' għajnuna inkompatibbli mas-suq komuni u li tordna l-irkupru tal-għajnuna mħallsa - Obbligu ta' motivazzjoni - Natura selettiva - Effett fuq il-kummerċ bejn Stati Membri - Effett ħażin fuq il-kompetizzjoni - Direttiva 92/81/KEE - Direttiva 2003/96/KE - Qafas Komunitarju tal-għajnuna mill-Istat għall-ħarsien tal-ambjent"
Lingwa tal-kawża: it-Taljan
Partijiet
Rikorrenti: Ir-Repubblika Taljana (rappreżentanti: F. Arena, G. Palmieri u F. Varrone, avvocati dello Stato)
Konvenuta: Il-Kummissjoni Ewropea (rappreżentanti: B. Stromsky u D. Grespan, aġenti)
Suġġett
Talba għall-annullament tad-Deċiżjoni tal-Kummissjoni 2009/944/KE, tat-13 ta' Lulju 2009, dwar l-iskemi tal-għajnuna mill-Istat C 6/04 (eks NN 70/01) u C 5/05 (eks NN 71/04) implimentati mill-Italja favur bdiewa bis-serer (eżenzjoni mid-dazju tas-sisa fuq id-diżil użat għat-tisħin tas-serer) (ĠU L 327, p. 6).
Dispożittiv
1) Ir-rikors huwa miċħud.
2) Ir-Repubblika Taljana hija kkundannata għall-ispejjeż.
____________1 - ĠU C 282, 21.11.2009.