Rikors ippreżentat fit-30 ta' Awwissu 2012 - Elite Licensing vs UASI - Aguas De Mondariz Fuente del Val (elite BY MONDARIZ)

(Kawża T-386/12)

Lingwa tar-rikors: l-Ingliż

Partijiet

Rikorrenti: Elite Licensing Company SA (Fribourg, l-Isvizzera) (rappreżentant: J. Albrecht, avukat)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Parti oħra quddiem il-Bord tal-Appell : Aguas De Mondariz Fuente del Val, SL (Mondariz, Spanja)

Talbiet

Ir-rikorrenti titlob lill-Qorti Ġenerali jogħġobha:

tannulla d-deċiżjoni tal-Ħames Bord tal-Appell tal-UASI tas-6 ta' Ġunju 2012 fil-Każ R 9/2011-5; u

tikkundanna lill-konvenut għall-ispejjeż.

Motivi u argumenti prinċipali

Applikanti għat-trade mark Komunitarja: il-parti l-oħra fil-proċedimenti quddiem il-Bord tal-Appell

Trade mark Komunitarja kkonċernata: it-trade mark figurattiva "elite BY MONDARIZ", għal prodotti u servizzi fil-klassijiet 32, 38 u 39 - Applikazjzoni għar-reġistrazzjoni tat-trade mark Komunitarja Nru 6957872

Proprjetarju tat-trade mark jew tas-sinjal invokat insostenn tal-oppożizzjoni: ir-rikorrenti

Trade mark jew sinjal invokat: trade mark verbali Komunitarja Nru 4995114 "ELITE MODEL LOOK" għal prodotti u servizzi fil-klassijiet 8, 9, 11, 21 u 38; applikazzjoni għar-reġistrazzjoni tat-trade mark figurattiva Nru 5765185 "elite", għal prodotti u servizzi fil-klassijiet 3, 5, 8, 9, 10, 11, 12, 14, 16, 18, 20, 21, 24, 25, 26, 28, 32, 35, 38, 41, 43 u 44; reġistrazzjoni internazzjonlai tat-trade mark figurattiva Nru 949195 "elite", għal prodotti u servizzi fil-klassijiet 3, 5, 8, 9, 10, 11, 12, 14, 16, 18, 20, 21, 24, 25, 26, 28, 32, 35, 38, 41, 43 u 44

Deċiżjoni tad-Diviżjoni tal-Oppożizzjoni: oppożizzjoni milqugħa u applikazzjoni għar-reġistrazzjoni miċħuda kollha kemm hi

Deċiżjoni tal-Bord tal-Appell: deċiżjoni annullata u oppożizzjoni miċħuda

Motivi invokati:

ksur tar-Regoli 48(2), 49(1) u 96(1) tar-Regolament Nru 2868/95; u

ksur tal-Artikoli 8(1)(b) u 8(5) tar-Regolament Nru 207/2009

____________