Sentenza tal-Qorti Ġenerali 13 ta' Ġunju 2012 - Organismos Kypriakis Galaktokomikis Viomichanias vs L-Uffiċċju għall-Armonizzazzjoni fis-Suq Intern - Garmo (HELLIM)
(Kawża T-534/10)
("Trade mark Komunitarja - Proċedimenti ta' oppożizzjoni - Applikazzjoni għal trade mark Komunitarja verbali HELLIM - Trade mark Komunitarja kollettiva verbali preċedenti HALLOUMI - Raġuni relattiva għal rifjut - Probabbiltà ta' konfużjoni - Artikolu 8(1)(b) tar-Regolament tal-Kunsill (KE) Nru 207/2009 - Dritt għal smigħ - Artikolu 63(2) tar-Regolament tal-Kunsill (KE) Nru 207/2009")
Lingwa tal-kawża: il-Ġermaniż
Partijiet
Rikorrenti: Organismos Kypriakis Galaktokomikis Viomichanias (Nikosija, Ċipru) (rappreżentant: inizjalment C. Milbradt u H. Van Volxem, sussegwentement C. Milbradt u A. Schwarz, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentant: G. Schneider, aġent)
Parti oħra fil-proċedimenti quddiem il-Bord tal-Appell tal-UASI: Garmo AG (Stuttgart, il-Ġermanja)
Suġġett
Rikors għal annullament ippreżentat kontra d-deċiżjoni tar-Raba' Bord tal-Appell tal-UASI tal-20 ta' Settembru 2010 (Każ R 794/2010-4), fir-rigward ta' proċedimenti ta' oppożizzjoni bejn l-Organismos Kypriakis Galaktokomikis Viomichanias u Garmo AG.
Dispożittiv
1) Ir-rikors huwa miċħud.
2) L-Organismos Kypriakis Galaktokomikis Viomichanias huwa kkundannat għall-ispejjeż.
____________1 - ĠU C 30, 29.1.2011.