Digriet tal-Qorti Ġenerali tas-7 ta’ Marzu 2014 – Eni vs Il-Kummissjoni

(Kawża T-240/12 u T-211/13) ¹

(“Kompetizzjoni – Akkordji – Suq tal-gomma butadiene u tal-gomma styrene-butadiene magħmula bil-proċess ta’ polimerizzazzjoni permezz ta’ emulsjoni – Deċiżjoni li tikkonstata ksur tal-Artikolu 81 KE – Annullament parzjali u tibdil mill-Qorti Ġenerali tad-deċiżjoni tal-Kummissjoni – Tkomplija tal-proċedura – Dikjarazzjoni tal-oġġezzjonijiet ġdida – Għeluq tal-proċedura – Ma hemmx lok li tingħata deċiżjoni”)

Lingwa tal-kawża: it-Taljan

Partijiet

Rikorrenti: Eni SpA (Ruma, l-Italja) (rappreżentanti: G. M. Roberti u I. Perego, avukati)

Konvenuta: Il-Kummissjoni Ewropea (rappreżentanti: V. Bottka, G. Conte, R. Striani u T. Vecchi, aġenti)

Suġġett

Fil-Kawża T-240/12, talba għall-annullament tad-deċiżjoni tal-Kummissjoni inkluża f’ittra tat-23 ta’ April 2012, li tesprimi lir-rikorrenti l-intenzjoni tal-Kummissjoni li titkompla l-proċedura u li tadotta dikjarazzjoni tal-oġġezzjonijiet ġdida u, fil-Kawża T-210/13, talba għall-annullament tad-Deċiżjonijiet tal-Kummissjoni C (2013) 1200 finali, tas-26 ta’ Frar 2013, u C (2013) 1199 finali, tas-27 ta’ Frar 2013, li titkompla l-proċedura u li r-rikorrenti tiġi kkomunikata b’dikjarazzjoni tal-oġġezzjonijiet ġdida fil-Każ AT. 40032 – BR/ESBR – Reċidiva, wara l-annullament parzjali mill-Qorti Ġenerali tad-Deċiżjoni tal-Kummissjoni C (2006) 5700 finali, tad-29 ta’ Novembru 2006, dwar proċedura għall-applikazzjoni tal-Artikolu 81 [KE] u l-Artikolu 53 tal-Ftehim ŻEE (Każ COMP/F/38.638 – Gomma butadiene u gomma styrene-butadiene magħmula bil-proċess ta’ polimerizzazzjoni permezz ta’ emulsjoni).

Dispożittiv

Il-Kawżi T-240/12 u T-211/13 huma magħquda għall-finijiet tad-digriet.

Ma għadx hemm lok li tingħata deċiżjoni fuq dan ir-rikors.

3)    Eni SpA u l-Kummissjoni Ewropea għandhom ibatu l-ispejjeż rispettivi tagħhom.

____________

¹  ĠU C 217, 21.7.2012.