Sentenza tal-Qorti Ġenerali tas-7 ta’ Ġunju 2013 – Il-Portugall vs Il-Kummissjoni

(Kawża T-2/11 )¹

(“FAEGG — Taqsima ʻGaranzijaʼ — FEAG u FAEŻR — Infiq eskluż mill-finanzjament — Infiq imwettaq fil-kuntest tal-miżura POSEI (snin finanzjarji 2005, 2006 u 2007)”)

Lingwa tal-kawża: il-Portugiż

Partijiet

Rikorrent: Ir-Repubblika Portugiża (rappreżentanti: L. Inez Fernandes, M. Figueiredo u J.  Saraiva de Almeida, aġenti)

Konvenuta: Il-Kummissjoni Ewropea (rappreżentanti: P. Guerra e Andrade u P. Rossi, aġenti)

Suġġett

Talba għall-annulament tad-Deċiżjoni tal-Kummissjoni 2010/668/UE, tal-4 ta’ Novembru 2010, li teskludi ċertu nfiq mill-Istati Membri taħt it-Taqsima tal-Garanzija tal-Fond Agrikolu Ewropew ta’ Gwida u Garanzija (FAEGG), fi ħdan il-Fond Agrikolu Ewropew ta’ Garanzija (FAEG) u l-Fond Agrikolu Ewropew għal Żvilupp Rurali (FAEŻR), minn finanzjament mill-Unjoni Ewropea (ĠU L 288, p. 24), hija annullata sa fejn din tapplika fir-rigward tar-Repubblika Portugiża korrezzjoni finanzjarja relatata mal-miżura POSEI għas-snin finanzjarji 2006 u 2007 ta’ ammont ta’ EUR 251.25.

Dispożittiv

Id-Deċiżjoni tal-Kummissjoni 2010/668/UE, tal-4 ta’ Novembru 2010, li teskludi ċertu nfiq mill-Istati Membri taħt it-Taqsima tal-Garanzija tal-Fond Agrikolu Ewropew ta’ Gwida u Garanzija (FAEGG), fi ħdan il-Fond Agrikolu Ewropew ta’ Garanzija (FAEG) u l-Fond Agrikolu Ewropew għal Żvilupp Rurali (FAEŻR), minn finanzjament mill-Unjoni Ewropea (ĠU L 288, p. 24), hija annullata sa fejn din tapplika fir-rigward tar-Repubblika Portugiża korrezzjoni finanzjarja relatata mal-miżura POSEI għas-snin finanzjarji 2006 u 2007.

Il-kumplament tar-rikors għandu jiġi miċħud.

Kull parti għandha tbati l-ispejjeż tagħha.

____________

¹ ĠU C 89, 19.03.2011.