Sentenza tal-Qorti Ġenerali tat-8 ta’ Settembru 2016 – Goldfish et vs Il-Kummissjoni
(Kawża T-54/14) 1
(“Kompetizzjoni – Akkordji – Is-suq Belġjan, Ġermaniż, Franċiż u Olandiż tal-gambli mill-Baħar tat-Tramuntana – Deċiżjoni li tikkonstata ksur tal-Artikolu 101 TFUE – Iffissar tal-prezzijiet u tqassim tal-volumi ta’ bejgħ – Ammissibbiltà tal-provi – Użu bħala prova ta’ reġistrazzjonijiet sigrieti ta’ konverżazzjonijiet telefoniċi – Evalwazzjoni tal-kapaċità kontributtiva – Ġurisdizzjoni sħiħa”)
Lingwa tal-kawża: l-Olandiż
Partijiet
Rikorrenti: Goldfish BV (Zoutkamp, il-Pajjiżi l-Baxxi), Heiploeg BV (Zoutkamp), Heiploeg Beheer BV (Zoutkamp) u Heiploeg Holding BV (Zoutkamp) (rappreżentanti: P. Glazener u B. Winters, avukati)
Konvenuta: Il-Kummissjoni Ewropea (rappreżentanti: inizjalment minn F. Ronkes Agerbeek u P. Van Nuffel, sussegwentement minn P. Van Nuffel u H. van Vliet, aġenti)
Suġġett
Talba bbażata fuq l-Artikolu 263 TFUE u intiża, minn naħa, għall-annullament tad-Deċiżjoni tal-Kummissjoni C(2013) 8286 finali, tas 27 ta’ Novembru 2013, dwar proċedura għall-applikazzjoni tal-Artikolu 101 TFUE (Każ AT.39633 – Gambli), sa fejn tikkonċerna r-rikorrenti, u, min-naħa l-oħra, għat-tnaqqis tal-ammont tal-multi imposti fuqhom.
Dispożittiv
Ir-rikors huwa miċħud.
Goldfish BV, Heiploeg BV, Heiploeg Beheer BV u Heiploeg Holding BV huma kkundannati għall-ispejjeż.
____________1 ĠU C 71, 8.3.2014.