Rikors ippreżentat fit-13 ta' Marzu 2009 - adp Gauselmann vs UASI - Maclean (Archer Maclean's Mercury)
(Kawża T-106/09)
Lingwa tar-rikors: L-Ingliż
Partijiet
Rikorrenti: adp Gauselmann GmbH (Espelkamp, il-Ġermanja) (rappreżentant: P. Koch Moreno, lawyer)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra fil-proċeduri quddiem il-Bord tal-Appell : Archer Maclean (Banbury, ir-Renju Unit)
Talbiet tar-rikorrenti
tiddikjara n-nuqqas ta' konformità tad-deċiżjoni tal-Ewwel Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tat-12 ta' Jannar 2009 fil-Każ R 1266/2007-1 mar-Regolament tal-Kunsill Nru 40/94;
tiddikjara li l-applikazzjoni għat-trade mark Komunitarja Nru 4 290 227 għall-klassijiet 9 u 28 taqa' taħt il-projbizzjoni li tinsab fl-Artikolu 8(1)(b) tar-Regolament tal-Kunsill Nru 40/94; u
tikkundanna lill-UASI, u jekk ikun il-każ, lill-intervenjenti fil-proċeduri, għall-ispejjeż.
Motivi u argumenti prinċipali
Applikant għat-trade mark Komunitarja: Il-parti l-oħra fil-proċeduri quddiem il-Bord tal-Appell
Trade mark Komunitarja kkonċernata: It-trade mark figurattiva "Archer Maclean's Mercury" għal prodotti fil-klassijiet 9, 16 u 28 - Applikazzjoni Nru 4 290 227
Proprjetarju tat-trade mark jew tas-sinjal invokat insostenn tal-oppożizzjoni: L-applikant
Trade mark jew sinjal invokat insostenn tal-oppożizzjoni: Ir-reġistrazzjoni Ġermaniża tat-trade mark verbali "Merkur" għal prodotti u servizzi fil-klassijiet 6, 9, 28, 35, 37, 41 u 42.
Deċiżjoni tad-Diviżjoni tal-Oppożizzjoni: Oppożizzjoni miċħuda
Deċiżjoni tal-Bord tal-Appell: Appell miċħud
Motivi invokati: Ksur tal-Artikolu 8(1)(b) tar-Regolament tal-Kunsill Nru 40/94 peress li l-Bord tal-Appell ikkonkluda b'mod żbaljat li ma kien hemm l-ebda xebh viżiv jew fonetiku jew identità konċettwali bejn it-trade marks ikkonċernati, kif ukoll li ma kienx hemm identità tal-prodotti fil-klassijiet 9 u 28, u għalhekk l-ebda probabbiltà ta' konfużjoni bejn it-trade marks ikkonċernati.
____________