Rikors ippreżentat fit-18 ta' Frar 2008 - Di Bucci vs Il-Kummissjoni
(Kawża F-23/08)
Lingwa tal-kawża: Il-Franċiż
Partijiet
Rikorrent: Vittorio Di Bucci (Brussell, il-Belġju) (rappreżentanti: M. van der Woude, avukat)
Konvenuta: Il-Kummissjoni tal-Komunitajiet Ewropej
Suġġett u deskrizzjoni tal-kawża
L-annullament tad-deċiżjoni tal-11 ta' April 2007 safejn hija tagħti lir-rikorrent punt ta' prijorità supplimentari wieħed biss fir-rigward tal-proċedura ta' promozzjoni 2003, għal total ta' 2 punti ta' prijorità u numru totali ta' 21 punt, u l-kundanna tal-konvenuta għall-ħlas ta' kumpens.
Talbiet tar-rikorrenti
Tannulla d-deċiżjoni tal-11 ta' April 2007 safejn hija tagħti lir-rikorrent punt ta' prijorità supplimentari wieħed biss fir-rigward tal-proċedura ta' promozzjoni 2003, għal total ta' 2 punti u numru totali ta' 21 punt, u tikkundanna l-konvenuta tħallas kumpens;
tikkundanna lill-konvenuta tħallas kumpens ta' EUR 5 000;
tikkundanna lill-Kummissjoni tal-Komunitajiet Ewropej għall-ispejjeż.
____________