Rikors ippreżentat fit-2 ta' Ottubru 2009 - Rosenruist vs UASI (Rappreżentazzjoni ta' żewġ kurvi li f'punt wieħed jaqsmu lil xulxin mdaħħla fuq but)
(Kawża T-388/09)
Lingwa tar-rikors: L-Ingliż
Partijiet
Rikorrenti: Rosenruist - Gestão e serviços, Lda (Funchal, il-Portugall) (rappreżentant: S. Gonzáles Malabia u S. Rizzo, lawyers)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Talbiet tar-rikorrent
annullament tad-deċiżjoni tat-Tieni Bord tal-Appell tal-Uffiċċju għall-Armonizzazzjoni fis-Suq Intern, (Trade marks u Disinni) tat-18 ta' Ġunju 2009, fil-Każ R 237/2009-2; u
tikkundanna lill-UASI għall-ispejjeż tagħha u dawk tar-rikorrenti.
Motivi u argumenti prinċipali
Trade mark Komunitarja kkonċernata: Marka li tirrappreżenta żewġ kurvi li f'punt wieħed jaqsmu lil xulxin mdaħħla fuq but għal prodotti u servizzi li jaqaw fi gruppi 18 u 25.
Deċiżjoni tal-eżaminatur: ċaħad l-applikazzjoni għal trade mark Komunitarja
Deċiżjoni tal-Bord tal-Appell: ċaħad l-appell
Motivi invokati: Ksur tal-Artikolu 7(1)(b) tar-Regolament tal-Kunsill 40/94 (li sar Artikolu 7(1)(b) tar- Regolament tal-Kunsill 207/2009) billi l-Bord tal-Appell, b'mod żbaljat, iddeċieda li t-trade mark Komunitarja kkonċernata kienet nieqsa minn karattru distintiv intrinsiku.
____________