Rikors ippreżentat fid-29 ta' April 2010 - Apotheke DocMorris vs UASI (rappreżentazzjoni ta' salib aħdar u abjad)
(Kawża T-196/10)
Lingwa tal-kawża: il-Ġermaniż
Partijiet
Rikorrenti: Apotheke DocMorris Holding GmbH (Stuttgart, il-Ġermanja) (rappreżentant: Y. Dick, avukat)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Talbiet tar-rikorrenti
tannulla d-deċiżjoni tar-Raba Bord tal-Appell tal-Uffiċċju għall-Armonizzazzjoni fis-Suq Intern (Trademarks u Disinni) tat-23 ta' Frar 2010 fil-Kawża R 470/2009-4;
tikkundanna lill-UASI għall-ispejjeż.
Motivi u argumenti prinċipali
Trade mark Komunitarja kkonċernata : trade mark figurattiva li tirrappreżenta salib aħdar u abjad, għal prodotti u servizzi fil-klassijiet 3, 5, 8, 9, 10, 11, 16, 21, 25, 29, 30, 32, 35-42 u 44 − Applikazzjoni Nru 5 930 979
Deċiżjoni tal-eżaminatur: applikazzjoni għal reġistrazzjoni rrifjutata
Deċiżjoni tal-Bord tal-Appell: appell miċħud
Motivi invokati: ksur tal-Artikolu 7(1)(b) tar-Regolament (KE) Nru 207/2009
1, peress li l-evalwazzjoni tal-Bord tal-Appell dwar il-karattru distintiv kienet żbaljata f'diversi aspetti.
____________1 - Regolament tal-Kunsill (KE) Nru 207/2009, tas-26 ta' Frar 2009, dwar it-trade mark Komunitarja (ĠU 2009 L 78, p. 1).