Sentenza tal-Qorti Ġenerali tas-7 ta' Diċembru 2010 - Nute Partecipazioni u La Perla vs UASI - Worldgem Brands (NIMEI LA PERLA MODERN CLASSIC)
"Trade mark Komunitarja - Proċedimenti għal dikjarazzjoni ta' invalidità - Trade mark Komunitarja verbali NIMEI LA PERLA MODERN CLASSIC - Trade marks nazzjonali figurattivi preċedenti la PERLA - Raġuni relattiva għal rifjut - Ħsara għar-reputazzjoni - Artikolu 8(5), u Artikolu 52(1)(a) tar-Regolament (KE) Nru 40/94 (li saru l-Artikolu 8(5) u l-Artikolu 53(1)(a) tar-Regolament (KE) Nru 2007/2009)"
Lingwa tal-kawża: it-Taljan
Partijiet
Rikorrenti: Nute Partecipazioni SpA, li kienet Gruppo La Perla SpA (Bolonja, l-Italja); u La Perla Srl (Bolonja) (rappreżentanti: R. Morresi u A. Dal Ferro, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentanti: inizjalment minn L. Rampini, sussegwentement minn O. Montalto, aġenti)
Partijiet oħra fil-proċedimenti quddiem il-Bord tal-Appell tal-UASI, intervenjenti quddiem il-Qorti Ġenerali: Worldgem Brands Srl, li kienet Worldgem Brands - Gestão e Investimentos Lda (Creazzo, l-Italja) (rappreżentanti: V. Bilardo, M. Mazzitelli u C. Bacchini, avukati)
Suġġett
Rikors ippreżentat kontra d-deċiżjoni tat-Tieni Bord tal-Appell tal-UASI tad-19 ta' Novembru 2007 (Każ R 537/2004-2) dwar proċedimenti għal dikjarazzjoni ta' invalidità bejn Nute Partecipazioni SpA u Worldgem Brands Srl.
Dispożittiv
Id-deċiżjoni tat-Tieni Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) (UASI) tad-19 ta' Novembru 2007 (Każ R 537/2004-2) hija annullata sa fejn l-UASI ċaħad it-talba għal dikjarazzjoni ta' invalidità u kkundanna lil Nute Partecipazioni SpA għall-ispejjeż tagħha.
Il-kumplament tar-rikors huwa miċħud.
L-UASI għandu jbati l-ispejjeż tiegħu kif ukoll 90 % tal-ispejjeż ta' Nute Partecipazioni u ta' La Perla Srl quddiem il-Qorti Ġenerali u l-ispejjeż kollha ta' Nute Partecipazioni quddiem il-Bord tal-Appell.
Nute Partecipazioni u La Perla għandhom ibatu 10 % tal-ispejjeż tagħhom quddiem il-Qorti Ġenerali.
Worldgem Brands Srl għandha tbati l-ispejjeż tagħha.
____________1 - ĠU C 92, 12.04.2008