Rikors ippreżentat fis-16 ta' Novembru 2012 - Advance Magazine Publishers vs UASI - Nanso Group (TEEN VOGUE)
(Kawża T-509/12)
Lingwa tar-rikors: l-Ingliż
Partijiet
Rikorrenti: Advance Magazine Publishers, Inc. (New York, l-Istati Uniti) (rappreżentant: C. Aikens, Barrister)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra fil-proċedimenti quddiem il-Bord tal-Appell: Nanso Group Oy (Nokia, il-Finlandja)
Talbiet tar-rikorrenti
Ir-rikorrenti titlob li l-Qorti Ġenerali jogħġobha:
tannulla d-deċiżjoni tar-Raba' Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni), tas-17 ta' Settembru 2012, fil-Każ 147/2011-4 u tiċħad l-oppożizzjoni; u
tikkundanna lill-konvenut għall-ispejjeż tar-rikorrenti.
Motivi u argumenti prinċipali
Applikant għat-trade mark Komunitarja: ir-rikorrenti
Trade mark Komunitarja kkonċernata: it-trade mark verbali "TEEN VOGUE" għal fost oħrajn prodotti fil-klassi 25 - Applikazzjoni għal trade mark Komunitarja Nru 3529476
Proprjetarju tat-trade mark jew tas-sinjal invokat insostenn tal-oppożizzjoni: il-parti l-oħra fil-proċedimenti quddiem il-Bord tal-Appell
Trade mark jew sinjal invokat: reġistrazzjoni tat-trade mark Svediża Nru 126124 tat-trade mark verbali "VOGUE" għal prodotti fil-klassi 25; reġistrazzjoni tat-trade mark Svediża Nru 43934 għas-sinjal figurattiv "Vogue", għal prodotti fil-klassi 25; applikazzjoni għat-trade mark Finlandiża Nru T 199 803 628 għat-trade mark verbali "VOGUE", għal prodotti fil-klassi 25; trade name awżiljarju rreġistrat "VO Gue"
Deċiżjoni tad-Diviżjoni tal-Oppożizzjoni: oppożizzjoni milqugħa għall-prodotti kkontestati kollha
Deċiżjoni tal-Bord tal-Appell: appell miċħud
Motivi invokati: ksur tal-Artikolu 8(1)(b) tar-Regolament tal-Kunsill Nru 207/2009.
____________