Rikors ippreżentat fis-16 ta' Novembru 2012 - European Drinks vs UASI - Alexandrion Grup Romania (DRACULA BITE)

(Kawża T-497/12)

Lingwa tar-rikors: l-Ingliż

Partijiet

Rikorrenti: European Drinks SA (Ştei, ir-Rumanija) (rappreżentant: V. von Bomhard, avukat)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Parti oħra quddiem il-Bord tal-Appell: SC Alexandrion Grup Romania Srl (Pleasa, ir-Rumanija)

Talbiet

tannulla d-Deċiżjoni tar-Raba' Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tas-6 ta' Settembru 2012 fil-Każ R 679/2011-4; u.

tikkundanna lill-konvenut għall-ispejjeż tal-proċeduri

Motivi u argumenti prinċipali

Applikanti għat-trade mark Komunitarja: il-parti l-oħra quddiem il-Bord tal-Appell

Trade mark Komunitarja kkonċernata: it-trade mark figurattiva "DRACULA BITE", għal prodotti u servizzi fil-klassijiet 33, 35 u 39 - applikazzjoni għal trade mark Komunitarja Nru 7588321

Proprjetarju tat-trade mark jew tas-sinjal invokat insostenn tal-oppożizzjoni: ir-rikorrenti

Trade mark jew sinjal invokat: reġistrazzjoni ta' trade mark Rumena Nru 34847 tat-trade mark figurattiva "Dracula", għal prodotti u servizzi fil-klassijiet 33 u 35

Deċiżjoni tad-Diviżjoni tal-Oppożizzjoni: oppożizzjoni miċħuda kollha kemm hi

Deċiżjoni tal-Bord tal-Appell: appell miċħud

Motivi invokati: ksur tal-Artikoli 42(2) u 2(3) tar-Regolament tal-Kunsill 207/2009.

____________