Sentenza tal-Qorti Ġenerali tad-9 ta' Marzu 2011 - Il-Kummissjoni vs Edificios Inteco
"Klawżola ta' arbitraġġ - Programm għall-promozzjoni ta' teknoloġiji ta' enerġija għall-Ewropa (Thermie) - Kuntratt dwar il-kostruzzjoni f'Valladolid (Spanja) ta' ċentru kummerċjali u ta' negozju mgħammar b'sistema ta' klimatizzazzjoni solari - Nuqqas ta' eżekuzzjoni tal-kuntratt - Rimbors tas-sommom imħallsa bil-quddiem -Interessi moratorji - Proċedura fil-kontumaċja"
Lingwa tal-kawża: l-Ispanjol
Partijiet
Rikorrenti: Il-Kummissjoni Ewropea (rappreżentant: G. Valero Jordana)
Konvenuta: Edificios Inteco, SL (Valladolid, Spanja) (rappreżentant: C. de la Red Mantilla, avukat)
Suġġett
Rikors ippreżentat mill-Kummissjoni skont l-Artikolu 238 KE sabiex tikseb ir-rimbors tas-somma ta' EUR 157 238.07 li hija kienet ħallset lill-konvenuta fil-kuntest ta' proġett ta' kostruzzjoni f'Valladolid ta' ċentru kummerċjali u ta' negozju mgħammar b'sistema ta' klimatizzazzjoni solari (Kuntratt BU/1041/93), flimkien mal-interessi moratorji.
Dispożittiv
Edificios Inteco, SL hija kkundannata tirrimborsa lill-Kummissjoni Ewropea s-somma ta' EUR 157 238.07, flimkien mas-somma ta' EUR 81 686.22 li tikkorrispondi għall-interessi dovuti sal-1 ta' Ġunju 2009.
Edificios Inteco hija kkundannata tirrimborsa lill-Kummissjoni s-somma ta' EUR 21.73796 għal kull ġurnata ta' dewmien addizzjonali b'effett mit-2 ta' Ġunju 2009 sakemm id-dejn kollu jitħallas lura.
Edificios Inteco hija kkundannata għall-ispejjeż.
____________1 - ĠU C 220, 12.09.2009.