Sentenza tal-Qorti Ġenerali tat-12 ta’ April 2013 – Stowarzyszenie Autorów ZAiKS vs Il-Kummissjoni
(Kawża T-398/08) 1
(“Kompetizzjoni – Akkordji – Drittijiet tal-awtur relatati mal-eżekuzzjoni fil-pubbliku ta’ xogħolijiet mużikali permezz tal-internet, tas-satellita u tat-trażmissjoni mill-ġdid bil-kejbil – Deċiżjoni li tikkonstata ksur tal-Artikolu 81 KE – Tqassim tas-suq ġeografiku – Ftehim bilaterali bejn il-kumpanniji ta’ amministrazzjoni kollettiva nazzjonali – Prattika miftehma li teskludi l-possibbiltà li jinħarġu liċenzji multiterritorjali u multirepertorji – Prova – Preżunzjoni tal-innoċenza”)
Lingwa tal-kawża: il-Pollakk
Partijiet
Rikorrenti: Stowarzyszenie Autorów ZAiKS (Varsavja, il-Polonja) (rappreżentanti: B. Borkowska u M. Błeszyński, avukati)
Konvenuta: Il-Kummissjoni Ewropea (rappreżentanti: F. Castillo de la Torre u K. Mojzesowicz, aġenti)
Suġġett
Talba għall-annullament parzjali tad-Deċiżjoni tal-Kummissjoni C (2008) 3435 finali, tas-16 ta’ Lulju 2008, dwar proċedura skont l-Artikolu 81 [KE] u l-Artikolu 53 tal-Ftehim ŻEE (Każ COMP/C2/38.698 – CISAC). DispożittivL-Artikolu 3 tad-Deċiżjoni tal-Kummissjoni C (2008) 3435 finali, tas-16 ta’ Lulju 2008, dwar proċedura skont l-Artikolu 81 [KE] u l-Artikolu 53 tal-Ftehim ŻEE (Każ COMP/C2/38.698 – CISAC), huwa annullat, sa fejn dan jikkonċerna lil Stowarzyszenie Autorów ZaiKS.L-Artikolu 4(2)u (3) ta’ din id-deċiżjoni huwa annullat, inkwantu dan jirreferi għall-Artikolu 3 tagħha, sa fejn jikkonċerna lil Stowarzyszenie Autorów ZaiKS.Il-kumplament tar-rikors huwa miċħud.Il-Kummissjoni Ewropea hija kkundannata għa
ll-ispejjeż
relatati mal-proċeduri prinċipali.Stowarzyszenie Autorów ZaiKS u l-Kummissjoni għandhom ibatu, kull waħda minnhom, l-ispejjeż tagħhom relatati mal-proċeduri għal miżuri provviżorji.