Rikors ippreżentat fis-7 ta' Diċembru 2009 - MEDA Pharma vs UASI - Nycomed (ALLERNIL)
(Kawża T-492/09)
Lingwa tar-rikors: Il-Ġermaniż
Partijiet
Rikorrenti: MEDA Pharma GmbH & Co. KG (Bad Homburg, il-Ġermanja) (rappreżentanti: G. Würtenberger u R. Kunze, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: Nycomed GmbH (Konstanz, il-Ġermanja)
Talbiet tar-rikorrenti
tannulla d-deċiżjoni tar-Raba' Bord tal-Appell, tad-29 ta' Settembru 2009, fil-Każ R 1386/2007-4, dwar proċedimenti ta' oppożizzjoni bbażati fuq it-trade mark Ġermaniża Nru 1 042 583 "ALLERGODIL" kontra l-parti Ewropea tar-reġistrazzjoni internazzjonali 845 934 "ALLERNIL";
tikkundanna lill-konvenut għall-ispejjeż.
Motivi u argumenti prinċipali
Parti li qiegħda titlob estensjoni tal-applikazzjoni tal-protezzjoni: Nycomed GmbH
Trade mark Komunitarja kkonċernata: it-trade mark verbali "ALLERNIL" għal prodotti fil-klassi 5 (reġistrazzjoni internazzjonali li tinnomina lill-Komunità Ewropea Nru 845 934)
Trade mark tal-parti li qed titlob id-dikjarazzjoni ta' invalidità: it-trade mark verbali Ġermaniż Nru 1 042 583 "ALLERGODIL" għal prodotti fil-klassi 5
Deċiżjoni tad-Diviżjoni tal-Kanċellazzjoni: oppożizzjoni miċħuda
Deċiżjoni tal-Bord tal-Appell: rikors miċħud
Motivi invokati:
- ksur tal-Artikolu 8(1)(b) tar-Regolament (KE) Nru 207/2009
1, peress li ma ġewx applikati b'mod korrett il-prinċipji dwar il-probabbiltà ta' konfużjoni;
- ksur tal-Artikolu 75 tar-Regolament Nru 207/2009 peress li hemm nuqqas ta' motivazzjoni tad-deċiżjoni kkontestata.
____________1 - Regolament tal-Kunsill (KE) Nru 207/2009, tas-26 ta' Frar 2009, dwar it-trade mark Komunitarja (ĠU 2009, L 78, p. 1).