Caingean arna tabhairt an 29 Feabhra 2024 – KnitPro International v EUIPO – Crafts Americana Group (Léiriú ar rachtáin idir dhá líne chomhthreomhara)

(Cás T-133/24)

An teanga inar taisceadh an t-iarratas: an Béarla

Páirtithe

Iarratasóir: KnitPro International (Jaipur, an India) (ionadaí: S. Malynicz, Abhcóide Dlí)

Cosantóir: Oifig Maoine Intleachtúla an Aontais Eorpaigh (EUIPO)

Páirtí eile sna himeachtaí os comhair an Bhoird Achomhairc: Crafts Americana Group, Inc. (Vancouver, Washington, Stáit Aontaithe Mheiriceá)

Sonraí na n-imeachtaí os comhair EUIPO

Dílseánach an trádmhairc faoi cheist: Iarratasóir os comhair na Cúirte Ginearálta

Trádmharc atá faoi cheist: Marc fíortha de chuid an Aontais Eorpaigh (Léiriú ar rachtáin idir dhá líne chomhthreomhara) – Trádmharc an Aontais Eorpaigh Uimh. 8884264

Nós imeachta os comhair EUIPO: Imeachtaí cealúcháin

An cinneadh atá faoi chonspóid: Cinneadh ó Ard-Bhord Achomhairc EUIPO an 15 Nollaig 2023 i gCás R 2672/2017-G (RENV)

An t-ordú atá á lorg

Iarrann an t-iarratasóir ar an gCúirt Ghinearálta:

an cinneadh atá faoi chonspóid a chur ar neamhní;

a dhearbhú go bhfuil bunús maith leis an achomharc;

de rogha air sin, go ndéanfar an t-iarratas ar chealú mar go bhfuil sé bunaithe ar Airteagal 7(1)(a) agus (b) de Rialachán (AE) 2017/1001 ó Pharlaimint na hEorpa agus ón gComhairle a dhíbhe;

a ordú do EUIPO agus do na hidiragraithe, má ghlacann siad páirt sna himeachtaí, costais an iarratasóra ar neamhniú a íoc, agus a gcostais féin a íoc.

Saincheisteanna dlí

Sárú ar Airteagal 7(1)(b) de Rialachán (AE) 2017/1001 ó Pharlaimint na hEorpa agus ón gComhairle.

____________