Rikors ippreżentat fit-13 ta’ Jannar 2014 – Heidrick & Struggles International vs UASI (THE LEADERSHIP COMPANY)
(Kawża T-43/14)
Lingwa tal-kawża: l-Ingliż
Partijiet
Rikorrenti: Heidrick & Struggles International (Chicago, l-Istati Uniti) (rappreżentant: A. Norris, Barrister)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Talbiet tar-rikorrenti
tannulla d-Deċiżjoni tat-Tieni Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tat-10 ta’ Ottubru 2013 mogħtija fil-Każ R 338/2013-2;
tikkundanna lill-konvenut għall-ispejjeż.
Motivi u argumenti prinċipali
Trade mark Komunitarja kkonċernata: it-trade mark verbali “THE LEADERSHIP COMPANY” għal servizzi fil-klassijiet 35 u 44 – Applikazzjoni għal trade mark Komunitarja Nru 11 031 457
Deċiżjoni tal-eżaminatur: reġistrazzjoni tat-trade mark miċħuda
Deċiżjoni tal-Bord tal-Appell: appell miċħud
Motivi invokati: ksur tal-Artikolu 7(1)(b),(ċ) u 7(2) tar-Regolament dwar it-trade mark Komunitarja.