Rikors ippreżentat fit-2 ta' Ottubru 2009 - Annco vs UASI - Freche et fils (ANN TAYLOR LOFT)

(Kawża T-385/09)

Lingwa tar-rikors: L-Ingliż

Partijiet

Rikorrenti: Annco, Inc. (New York, L-Istati Uniti) (rappreżentant: G. Triet, avukat)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Parti oħra quddiem il-Bord tal-Appell: Freche et fils associés SARL (Pariġi, Franza)

Talbiet tar-rikorrenti

tiddikjara li r-rikors huwa fondat;

tannulla d-deċiżjoni tal-Ewwel Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tal-1 ta' Lulju 2009 fil-Każ R 1485/2008-1;

temenda d-deċiżjoni tal-Ewwel Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tal-1 ta' Lulju 2009 fil-Każ R 1485/2008-1, favur ir-reġistrazzjoni tat-trade mark Komunitarja kkonċernata għall-klassijiet 18 u 25, flimkien mal-klassi 35;

tikkundanna lill-UASI għall-ispejjeż.

Motivi u argumenti prinċipali

Applikant għat-trade mark Komunitarja: Ir-rikorrenti

Trade mark Komunitarja kkonċernata: It-trade mark "ANN TAYLOR LOFT" għal prodotti u servizzi fil-klassijiet 18, 25 u 35

Proprjetarju tat-trade mark jew tas-sinjal invokat insostenn tal-oppożizzjoni: Il-parti l-oħra fil-proċedimenti quddiem il-Bord tal-Appell

Trade mark jew sinjal invokat insostenn tal-oppożizzjoni: Ir-reġistrazzjoni tat-trade mark Franċiża "LOFT" għal prodotti fil-klassijiet 18 u 25

Deċiżjoni tad-Diviżjoni tal-Oppożizzjoni: Oppożizzjoni milqugħa

Deċiżjoni tal-Bord tal-Appell: Appell miċħud

Motivi invokati: Ksur tal-Artikolu 8(1)(b) tar-Regolament tal-Kunsill 207/2009 peress li l-Bord tal-Appell iddeċieda b'mod żbaljat li kien hemm possibbiltà ta' konfużjoni bejn it-trade marks ikkonċernati; ksur tal-Artikolu 75 tar-Regolament tal-Kunsill 207/2009 peress li l-Bord tal-Appell b'mod żbaljat ibbaża ruħu fuq provi u raġunijiet li fir-rigward tagħhom ir-rikorrenti ma kelliex l-opportunità li tesprimi l-opinjoni tagħha.

____________