Rikors ippreżentat fl-24 ta’ Novembru 2023 – Melnichenko vs Il-Kunsill
(Kawża T-1113/23)
Lingwa tal-kawża: l-Ingliż
Partijiet
Rikorrent: Aleksandra Melnichenko (St. Moritz, l-Isvizzera) (rappreżentanti: A. Miron, D. Müller, H. Bajer Pellet u R. Piéri, avukati)
Konvenut: Il-Kunsill tal-Unjoni Ewropea
Talbiet
Ir-rikorrenti titlob li l-Qorti Ġenerali jogħġobha:
tannulla, skont l-Artikolu 263 TFUE, ir-Regolament ta’ Implimentazzjoni tal-Kunsill (UE) 2023/1765 tat-13 ta’ Settembru 2023 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna 1 , u d-Deċiżjoni tal-Kunsill (PESK) 2023/1767 tat-13 ta’ Settembru 2023 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukrajna 2 , safejn dawk l-atti jikkonċernaw u jaffettwaw lir-rikorrenti;
tikkundanna lill-Kunsill għall-ispejjeż.
Motivi u argumenti prinċipali
Insostenn tar-rikors tagħha, ir-rikorrenti tinvoka ħames motivi.
L-ewwel motiv ibbażat fuq l-illegalità tal-Artikolu 2(1)(g) tad-Deċiżjoni tal-Kunsill 2014/145/PESK 1 u tal-Artikolu 3(1)(g) tar-Regolament tal-Kunsill (UE) Nru 269/2014 2 kif emendat bl-atti kkontestati (“kriterju (g)”).
It-tieni motiv ibbażat sussidjarjament fuq żball ta’ evalwazzjoni fl-applikazzjoni tal-kriterju (g).
It-tielet motiv ibbażat fuq l-illegalità tal-kriterju ta’ assoċjazzjoni fl-Artikolu 2(1) tad-Deċiżjoni tal-Kunsill 2014/145/PESK u fl-Artikolu 3(1) tar-Regolament tal-Kunsill (UE) Nru 269/2014 in fine (“kriterju ta’ assoċjazzjoni”).
Ir-raba’ motiv ibbażat sussidjarjament fuq żball ta’ evalwazzjoni fl-applikazzjoni tal-“kriterju ta’ assoċjazzjoni”.
Il-ħames motiv ibbażat fuq il-ksur tad-drittijiet fundamentali tar-rikorrenti u b’mod ġenerali tal-obbligi tal-Unjoni Ewropea għall-protezzjoni tad-drittijiet fundamentali.
____________
1 Regolament ta’ Implimentazzjoni tal-Kunsill (UE) 2023/1765 tat-13 ta’ Settembru 2023 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna (ĠU 2023, L 226, p. 3).
1 Deċiżjoni tal-Kunsill (PESK) 2023/1767 tat-13 ta’ Settembru 2023 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukrajna (ĠU 2023, L 226, p. 104).
1 Deċiżjoni tal-Kunsill 2014/145/PESK tas-17 ta’ Marzu 2014 dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukraina (ĠU 2014, L 78, p. 16).
1 Regolament tal-Kunsill (UE) Nru 269/2014 tas-17 ta’ Marzu 2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukraina (ĠU 2014, L 78, p. 6, rettifika fil-ĠU 2014, L 294, p. 64).