Rikors ippreżentat fit-23 ta' Diċembru 2009 - Smart Technologies vs UASI (WIR MACHEN DAS BESONDERE EINFACH)
(Kawża T-523/09)
Lingwa tal-kawża: l-Ingliż
Partijiet
Rikorrenti: Smart Technologies ULC (Calgary, Il-Kanada) (rappreżentant: M. Edenborough, Barrister)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Talbiet tar-rikorrenti
tannulla id-deċiżjoni tat-Tieni Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tad-29 ta' Settembru 2009 fil-Każ R 554/2009-2;
sussidjarjament, temenda d-deċiżjoni tat-Tieni Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tad-29 ta' Settembru 2009 fil-Każ R 554/2009-2, sabiex tikkonstata li t-trade mark Komunitarja kkonċernata għandha karattru distintiv suffiċjenti li l-ebda oġġezzjoni għar-reġistrazzjoni tagħha ma tista' titqajjem taħt l-Artikolu 7(1)(b) tar-Regolament tal-Kunsill Nru 207/2009; u
tikkundanna lill-konvenut għall-ispejjeż tar-rikorrenti f'din il-proċedura.
Motivi u argumenti prinċipali
Trade mark Komunitarja kkonċernata: It-trade mark verbali "WIR MACHEN DAS BESONDERE EINFACH" għall-prodotti fil-klassi 9
Deċiżjoni tal-eżaminatur: Applikazzjoni għal trade mark Komunitarja miċħuda
Deċiżjoni tal-Bord tal-Appell: Appell miċħud
Motivi invokati: Ksur tal-Artikoli 7(1)(b) tar-Regolament tal-Kunsill 207/2009, peress li l-Bord tal-Appell ikkonstata b'mod żbaljat li t-trade mark Komunitarja kkonċernata ma kinitx eliġibbli għal reġistrazzjoni minħabba l-fatt li hi allegatament m'għandhiex karattru distinttiv.
____________