Sentenza tal-Qorti tal-Prim'Istanza tat-12 ta' Ġunju 2007 - Budĕjovický Budvar vs L-UASI - Anheuser-Busch (BUDWEISER)
(Kawżi magħquda T-53/04 sa T-56/04, T-58/04 u T-59/04)1 ("Trade mark Komunitarja - Proċedura ta' oppożizzjoni - Applikazzjoni għar-reġistrazzjoni tat-trade mark Komunitarja verbali BUDWEISER - Denominazzjonijiet ta' oriġini rreġistrati skond il-Ftehim ta' Liżbona - Artikolu 8(4) tar-Regolament (KE) Nru 40/94 - Ċaħda ta' l-oppożizzjoni")
Lingwa tal-kawża: L-Ingliż
Partijiet
Rikorrenti: Budĕjovický Budvar, národní podnik (České Budĕjovice, ir-Repubblika Ċeka) (rappreżentant: F. Fajgenbaum, Avukat)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentanti: A. Folliard-Monguiral u I. de Medrano Caballero, aġenti)
Parti l-oħra fil-kawża quddiem il-Bord ta' l-Appell ta' l-UASI, intervenjenti quddiem il-Qorti tal-Prim'Istanza: Anheuser-Busch, Inc. (Saint-Louis, Missouri, l-Istati Uniti) (rappreżentanti: inizjalment V. von Bomhard, A. Renck, A. Pohlmann, D. Ohlgart u B. Goebel, sussegwentement V. von Bomhard, A. Renck, D. Ohlgart u B. Goebel, Avukati)
Suġġett tal-kawża
Talba għall-annullament ta' sitt deċiżjonijiet tat-Tieni Bord ta' l-Appell ta' l-UASI tat-3 ta' Diċembru 2003 (każijiet R 820/2001-2, R 822/01-2, R 823/2001-2, R 921/2001-2, R 29/2002-2 u R 32/2002-2) dwar proċeduri ta' oppożizzjoni bejn Budĕjovický Budvar, národní podnik u Anheuser-Busch, Inc.
Dispożittiv tas-sentenza
Ir-rikorsi fil-kawżi magħquda T-53/04 sa T-56/04, T-58/04 u T-59/04 huma miċħuda.
Budĕjovický Budvar, národní podnik għandha tbati l-ispejjeż.
____________1 - ĠU C 94 tas-17.04.2004.