Sentenza tal-Qorti Ġenerali tal-20 ta’ Diċembru 2023 – Banca Popolare di Bari vs Il-Kummissjoni

(Kawża T-415/21) ¹

(“Responsabbiltà mhux kuntrattwali – Għajnuna mill-Istat – Għajnuna mogħtija mill-awtoritajiet Taljani lil Banca Tercas – Deċiżjoni li tiddikjara l-għajnuna inkompatibbli mas-suq intern – Preskrizzjoni – Dannu kontinwu – Inammissibbiltà parzjali – Ksur suffiċjentement serju ta’ dispożizzjoni legali li għandha l-għan li tagħti drittijiet lil individwi – Rabta kawżali”)

Lingwa tal-kawża: it-Taljan

Partijiet

Rikorrent: Banca Popolare di Bari SpA (Bari, l-Italja) (rappreżentanti: A. Zoppini, G. M. Roberti, I. Perego, G. Parisi u D. Gallo, avukati)

Konvenut: Il-Kummissjoni Ewropea (rappreżentanti: L. Flynn, I. Barcew, A. Bouchagiar u D. Recchia, aġenti)

Suġġett

Permezz tar-rikors tagħha bbażat fuq l-Artikolu 268 TFUE, ir-rikorrenti titlob kumpens għad-danni li hija allegatament ġarrbet wara l-adozzjoni tad-Deċiżjoni tal-Kummissjoni (UE) 2016/1208 tat-23 ta’ Diċembru 2015 dwar l-għajnuna mill-Istat SA.39451 (2015/C) (ex 2015/NN) implimentata mill-Italja favur Banca Tercas (ĠU 2016, L 203, p. 1).

Dispożittiv

Ir-rikors huwa miċħud.

Banca Popolare di Bari SpA hija kkundannata għall-ispejjeż.

____________

¹     ĠU C 401, 4.10.2021.