Ordú na Cúirte Breithiúnais (an Seachtú Dlísheomra) an 18 Deireadh Fómhair 2023 (iarraidh ar réamhrialú ó Apelativen sad - Sóifia – an Bhulgáir) – VU, IT v EUROBANK BULGARIA
(Cás C-117/23, Eurobank Bulgaria) 1
(Tarchur chun réamhrialú – Airteagal 99 de Rialacha Nós Imeachta na Cúirte Breithiúnais – Treoir 93/13/CEE – Téarmaí éagóracha i gconarthaí tomhaltóra – Airteagal 3(1) agus Airteagal 4 – Measúnú a dhéanamh ar éagothroime téarmaí conarthacha – Téarma conarthach a dhréachtú go soiléir agus go hintuigthe – Conradh le haghaidh bainc iasachta arna ainmniú in airgeadra eachtrach – Téarma lena gcuirtear iomlán riosca an ráta malairte de chúram ar an tomhaltóir – Buntáiste nár comhaontaíodh go sonrach ar mhaithe leis an institiúid creidmheasa go sonrach, a eascraíonn ón gcomhshó, go hairgeadra na híocaíochta, méid na hiasachta arna shloinneadh in airgeadra an chuntais – Airteagal 6 – Iarmhairtí ar chinneadh go bhfuil téarma éagothrom)
Teanga an cháis: an Bhulgáiris
An chúirt a rinne an tarchur
Apelativen sad - Sóifia
Páirtithe sna príomhimeachtaí
Cosantóir agus achomharcóir: VU, IT
Iarratasóir agus freagróir: EUROBANK BULGARIA
An chuid oibríochtúil
1) Maidir le hAirteagal 3(1) de Threoir 93/13/CEE ón gcomhairle, an 5 Aibreán 1993, maidir le téarmaí éagothroma i gconarthaí tomhaltóra,
ní mór léiriú a dhéanamh mar seo a leanas:
Féadfaidh gur téarmaí éagóracha iad clásail i gcomhaontú iasachta faoina n-ainmnítear an méid a fuarthas ar iasacht in airgeadra eachtrach agus a n-íocann an banc ar dtús é i gcuntas stoptha san airgeadra sin sula gcomhshónn an banc an t-airgeadra go dtí an t-airgeadra náisiúnta nó go hairgeadra cúltaca agus go cuireann sé isteach i gcuntas reatha an iasachtaí, de réir bhrí na forála sin, i gcás ina bhfuil éifeacht ag clásail den sórt sin, ar thaobh amháin, riosca an ráta malairte a aistriú go hiomlán ar an tomhaltóir i gcás luachmhéadú suntasach ar an airgeadra eachtrach agus, ar an taobh eile, buntáiste a bhaineann le téarmaí comhshó na hiasachta a thabhairt don institiúid creidmheasa chun aimhleasa an tomhaltóra, ar buntáiste é nach raibh comhaontaithe go sonrach idir na páirtithe tráth a tugadh an conradh i gcrích, ,.
2. Maidir le hAirteagal 6(1) de Threoir 93/13,
ní mór léiriú a dhéanamh mar seo a leanas:
Ní fhéadfaidh cúirt náisiúnta a mheas, i gcás inar chinn sí go bhfuil téarmaí i gcomhaontú iasachta a ainmníodh in airgeadra eachtrach éagórach, gur ainmníodh an iasacht, i ndairíre, in airgeadra náisiúnta nó in airgeadra cúltaca an Bhallstáit lena mbaineann ach amháin i gcás ina nochtfaí iarmhairtí thar a bheith dochrach don tomhaltóir mar gheall ar chealú iomlán an chomhaontaithe creidmheasa a bhaineann leis na téarmaí sin a scriosadh agus i gcás inar féidir leasú dá léithéid a dhéanamh ar an gconradh faoi fhoráil fhorlíontach den dlí náisiúnta nó faoi fhoráil reachtach i gcás ina bhfuil comhaontú idir na páirtithe sa chomhaontú.
In éagmais forálacha i ndlí náisiúnta den sórt sin, mar gheall ar an ardleibhéal cosanta do thomhaltóirí a leagtar síos i dTreoir 93/13, ceanglaítear ar an gcúirt na bearta uile is gá a ghlacadh, agus a dlí náisiúnta ina iomláine á chur san áireamh, chun an tomhaltóir a chosaint ó na hiarmhairtí sin, agus chun a chinntiú go mbeidh an tomhaltóir sa staid ina mbeadh sé mura mbeadh an téarma a mheastar a bheith éagórach ann riamh.
____________
1 Dáta an taiscthe: 28.2.2023