Digriet tal-Qorti Ġenerali tal-25 ta' April 2012 - Movimondo Onlus vs Il-Kummissjoni
(Kawża T-52/07)
("Kooperazzjoni fl-iżvilupp - ECHO - EuropeAid - Esklużjoni tal-kuntratti u sussidji ffinanzjati mill-baġit Komunitarju u mill-FEŻ - Likwidazzjoni u waqfien ta' attività tal-organizzazzjoni umanitarja - Ma hemmx lok li tingħata deċiżjoni)"
Lingwa tal-kawża: it-Taljan
Partijiet
Rikorrenti: Movimondo Onlus - Organizzazione non governativa di cooperazione e solidarietà internazionale (Ruma, l-Italja) (rappreżentanti: P. Vitali, G. Verusio, G. M. Roberti u A. Franchi, avukati)
Konvenuta: Il-Kummissjoni Ewropea (rappreżentanti: M. Wilderspin, C. Hermes u F. Moro, aġenti, assistiti minn A. Dal Ferro, avukat)
Suġġett
Talba għall-annullament tad-Deċiżjoni tal-Kummissjoni C (2006) 5802 finali, tal-1 ta' Diċembru 2006, li timponi sanzjoni amministrattiva fuq l-organizzazzjoni mhux governattiva (ONG) Movimondo Onlus - Organizzazione non governativa di cooperazione e solidarietà internazionale.
Dispożittiv
Ma hemmx iżjed lok li tingħata deċiżjoni dwar dan ir-rikors.
Movimondo Onlus - Organizzazione non governativa di cooperazione e solidarietà internazionale u l-Kummissjoni Ewropea għandhom ibatu l-ispejjeż rispettivi tagħhom.
____________1 - ĠU C 82, 14.04.2007.