Rikors ippreżentat fit-12 ta' Mejju 2009 - Wendler vs Il-Kummissjoni
(Kawża F-49/09)
Lingwa tal-kawża: Il-Ġermaniż
Partijiet
Rikorrent: Eberhard Wendler (Laveno Mombellom, l-Italja) (rappreżentant: M. Müller-Trawinski, avukat)
Konvenuta: Il-Kummissjoni tal-Komunitajiet Ewropej
Suġġett
L-annullament tal-obbligu impost fuq ir-rikorrent mill-konvenuta li jindika kont bankarju fil-post ta' residenza tiegħu fl-Italja għall-finijiet tal-ħlas tal-pensjoni tiegħu.
Talbiet tar-rikorrent
jannulla d-deċiżjoni mogħtija mill-konvenuta fid-9 ta' Settembru 2008, fil-forma ta' ċaħda tal-ilment magħmul mir-rikorrent fid-19 ta' Frar 2008, li tipprovdi li dan tal-aħħar għandu jindika kont bankarju fil-post ta' residenza tiegħu għall-finijiiet tal-ħlas tal-pensjoni tiegħu.
tikkundanna lill-Kummissjoni tal-Komunitajiet Ewropej għall-ispejjeż.
____________