Sentenza tal-Qorti Ġenerali (Is-Seba’ Awla) tas-17 ta’ Frar 2011 – Zhejiang Xinshiji Foods u Hubei Xinshiji Foods vs Il-Kunsill
(Kawża T-122/09)
“Dumping – Importazzjonijiet ta’ frott taċ-ċitru ppreparat jew ippriżervat li joriġina mir-Repubblika Popolari taċ-Ċina – Drittijiet tad-difiża – Obbligu ta’ motivazzjoni – Prinċipju ta’ amministrazzjoni tajba – Artikolu 15(2) u Artikolu 20(4) u (5) tar-Regolament (KE) Nru 384/96 [li saru l-Artikolu 15(2) u l-Artikolu 20(4) u (5) tar-Regolament (KE) Nru 1225/2009]”
1. Dritt tal-Unjoni - Prinċipji - Drittijiet tad-difiża - Rispett fil-kuntest tal- proċeduri amministrattivi - Antidumping - Obbligu tal-istituzzjonijiet li jiżguraw li l-impriżi kkonċernati jiġu informati - Portata - Modalitajiet ta’ komunikazzjoni - Nuqqas ta’ osservanza tat-terminu ta’ xahar bejn il-komunikazzjoni tal-informazzjoni finali lill-impriżi kkonċernati u d-deċiżjoni definittiva jew il-proposta tad-deċiżjoni finali tal-Kummissjoni - Effett (Regolament tal-Kunsill Nru 384/96, Artikolu 20(4)) (ara l-punti 26, 27, 29)
2. Politika kummerċjali komuni - Protezzjoni kontra l-prattiki ta’ dumping - Investigazzjoni - Obbligu tal-istituzzjonijiet li jiżguraw li l-impriżi kkonċernati jiġu informati - Portata - Nuqqas, fid-dokument ta’ informazzjoni finali, ta’ spjegazzjonijiet preċiżi dwar il-metodu ta’ kalkolu tal-volum tal-bejgħ tal-industrija Komunitarja - Effett (Regolament tal-Kunsill Nru 384/96, Artikolu 20) (ara l-punti 37, 38, 40-42)
3. Politika kummerċjali komuni - Protezzjoni kontra l-prattiki ta’ dumping - Dannu - Fatturi li għandhom jittieħdu inkunsiderazzjoni - Fatturi oħra minbarra l-importazzjonijiet li joħolqu dannu lill-industrija Komunitarja - Effett fuq il-prezz tal-materja prima (Regolament tal-Kunsill Nru 384/96, Artikolu 3(5) sa (7) (ara l-punti 52-62)
4. Politika kummerċjali komuni - Protezzjoni kontra l-prattiki ta’ dumping - Dannu – Setgħa diskrezzjonali tal-istituzzjonijiet - Limiti - Obbligu ta’ eżami diliġenti u imparzjali tal-fatti rilevanti kollha - Obbligu tal-istituzzjonijiet li jiżguraw li l-impriżi kkonċernati jiġu informati - Nuqqas ta’ komunikazzjoni mill-Kummissjoni tal-elementi li jiġġustifikaw in-natura ekwa tal-paragun bejn il-prezzijiet għall-esportazzjoni u l-prezzijiet tal-industrija Komunitarja - Ksur tad-drittijiet tad-difiża u tal-obbligu ta’ motivazzjoni (Regolament tal-Kunsill Nru 384/96, Artikolu 3(2) u (3), u Artikolu 20) (ara l-punti 75-80, 84-86, 90, 91)
5. Atti tal-istituzzjonijiet - Motivazzjoni - Obbligu - Portata - Regolarizzazzjoni ta’ nuqqas ta’ motivazzjoni matul il-proċedura kontenzjuża - Inammissibbiltà (Artikolu 296 TFUE) (ara l-punti 92)
6. Rikors għal annullament - Motivi - Ksur tal-forom proċedurali sostanzjali - Ksur minn istituzzjoni tar-regoli interni tagħha (Artikolu 263 TFUE; Regolament tal-Kunsill Nru 384/96, Artikolu 15(2)) (ara l-punti 102-110)
Suġġett
| Talba għall-annullament tar-Regolament tal-Kunsill (KE) Nru 1355/2008, tat-8 ta’ Diċembru 2008, li jimponi dazju anti-dumping definittiv u jiġbor b’mod definittiv id-dazju provviżorju impost fuq l-importazzjonijiet ta’ ċertu frott taċ-ċitru ppreparat jew ippriżervat (prinċipalment il-mandolin, eċċ.) li joriġina mir-Repubblika tal-Poplu taċ-Ċina (ĠU L 350, p. 35), sa fejn jirrigwarda lir-rikorrenti. |
Dispożittiv
1) | | Ir-Regolament tal-Kunsill (KE) Nru 1355/2008, tat-8 ta’ Diċembru 2008, li jimponi dazju anti-dumping definittiv u jiġbor b’mod definittiv id-dazju provviżorju impost fuq l-importazzjonijiet ta’ ċertu frott taċ-ċitru ppreparat jew ippriżervat (prinċipalment il-mandolin, eċċ.) li joriġina mir-Repubblika tal-Poplu taċ-Ċina, huwa annullat sa fejn jirrigwarda lil Zhejiang Xinshiji Foods Co. Ltd u Hubei Xinshiji Foods Co. Ltd. |
2) | | Zhejiang Xinshiji Foods u Hubei Xinshiji Foods għandhom ibatu nofs l-ispejjeż tagħhom. |
3) | | Il-Kunsill tal-Unjoni Ewropea għandu jbati l-ispejjeż tiegħu, kif ukoll nofs l-ispejjeż ta’ Zhejiang Xinshiji Foods u Hubei Xinshiji Foods. |
4) | | Il-Kummissjoni Ewropea għandha tbati l-ispejjeż tagħha. |