Sentenza tal-Qorti tal-Prim'Istanza tat-13 ta' Mejju 2009 - Schuhpark Fascies vs UASI - Leder & Schuh (jello SCHUHPARK)
("Trade mark Komunitarja - Proċedimenti ta' oppożizzjoni - Applikazzjoni għar-reġistrazzjoni tat-trade mark Komunitarja figurattiva u verbali jello SCHUHPARK - Trade mark nazzjonali verbali preċedenti Schuhpark - Raġunijiet relattivi għal rifjut - Prova tal-użu tat-trade mark preċedenti - Artikolu 43(2) tar-Regolament (KE) Nru 40/94")
Lingwa tal-kawża: Il-Ġermaniż
Partijiet
Rikorrenti: Schuhpark Fascies GmbH (Warendorf, il-Ġermanja) (rappreżentanti: A. Peter u J. Braune, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentant: S. Schäffner, aġent)
Parti oħra fil-proċedimenti quddiem il-Bord tal-Appell tal-UASI, intervenjenti quddiem il-Qorti tal-Prim'Istanza: Leder & Schuh AG (Graz, l-Awstrija) (rappreżentanti: W. Kellenter u A. Schlaffge, avukati)
Suġġett
Rikors mid-deċiżjoni tar-Raba' Bord tal-Appell tal-UASI tat-13 ta' Marzu 2008 (Każ R 1560/2006-4) dwar proċedimenti ta' oppożizzjoni bejn Schuhpark Fascies GmbH u Leder & Schuh AG.
Dispożittiv
Ir-rikors huwa miċħud.
Schuhpark Fascies GmbH hija kkundannata għall-ispejjeż.
____________1 - ĠU C 171, 5.7.2008