Sentenza tal-Qorti Ġenerali tad-29 ta' Marzu 2012 - Is-Slovakkja vs Il-Kummissjoni
(Kawża T-247/07)
("Agrikoltura - Organizzazzjoni komuni tas-swieq - Miżuri li għandhom jiġu adottati minħabba l-adeżjoni ta' Stati Membri ġodda - Att ta' Adeżjoni tal-2003 - Determinazzjoni ta' stokkijiet żejda ta' prodotti agrikoli barra z-zokkor u l-konsegwenzi finanzjarji tal-eliminazzjoni tagħhom - Għan imfittex minn dispożizzjoni ta' dritt primarju - Deċiżjoni 2007/361/KE")
Lingwa tal-kawża: is-Slovakk
Partijiet
Rikorrenti: Ir-Repubblika Slovakka (rappreżentanti: inizjalment J. Čorba, sussegwentement B. Ricziová, aġenti)
Konvenuta: Il-Kummissjoni Ewropea (rappreżentanti: H. Tserepa-Lacombe u A. Tokár, aġenti)
Partijiet intervenjenti insostenn tar-rikorrenti: Ir-Repubblika tal-Polonja (rappreżentanti: inizjalment T. Nowakowski, sussegwentement M. Dowgielewicz, u fl-aħħar nett M. Szpunar, B. Majczyna u D. Krawczyk, aġenti); u r-Repubblika tal-Litwanja (rappreżentanti: D. Kriaučiūnas u R. Krasuckaitė, aġenti)
Suġġett
Talba għall-annullament tad-Deċiżjoni tal-Kummissjoni 2007/361/KE, tal-4 ta' Mejju 2007, dwar id-determinazzjoni ta' stokkijiet żejda ta' prodotti agrikoli barra z-zokkor u l-konsegwenzi finanzjarji tal-eliminazzjoni tagħhom fir-rigward tal-adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja (ĠU L 138, p. 14), sa fejn din tikkonċerna lir-Repubblika Slovakka.
Dispożittiv
Id-Deċiżjoni tal-Kummissjoni 2007/361/KE, tal-4 ta' Mejju 2007, dwar id-determinazzjoni ta' stokkijiet żejda ta' prodotti agrikoli barra z-zokkor u l-konsegwenzi finanzjarji tal-eliminazzjoni tagħhom fir-rigward tal-adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja, hija annullata, sa fejn din tikkonċerna lir-Repubblika Slovakka.
Il-Kummissjoni Ewropea hija kkundannata tbati, minbarra l-ispejjeż tagħha, l-ispejjeż sostnuti mir-Repubblika Slovakka.
Ir-Repubblika tal-Polonja u r-Repubblika tal-Litwanja għandhom ibatu l-ispejjeż tagħhom.
____________1 - ĠU C 211, 08.09.2007.